Motorneuronsiekte
Die motorneuronsiektes (MNS) of amiotrofiese laterale sklerose is 'n groep neurologiese ongesteldhede wat die motorneurone, die selle wat vrywillige spieraktiwiteit soos spraak, loop, asemhaal, sluk en algemene beweging beheer, affekteer. Hierdie siektes is gewoonlik van progressiewe aard en veroorsaak voortdurende fisiese agteruitgang en uiteindelike dood. In die VK word die term "motorneuronsiekte" gebruik om na beide amiotrofiese laterale sklerose (ALS, die algemeenste vorm van die siekte) en die breër spektrum van motorneuronsiektes insluitende progressiewe spieratrofie, primêre laterale sklerose, en progressiewe bulbêre palsie, te verwys. In die VSA word die terme ALS (vir ALS spesifiek asook as 'n algemene term) en "Lou Gehrig se siekte" ewe veel gebruik.[1] Om verwarring te voorkom, word die jaarlikse wetenskaplike navorsingskonferensie oor die studie van MNS die Internasionale ALS/MNS-simposium genoem. Alhoewel MNS na die spesifieke deelversameling van patologies eenderse siektes verwys, is daar talle ander motorneuronkwale wat patologies apart van MNS is en ander kliniese koerse het. Voorbeelde van ander motorneuronsiektes wat nie met MNS verwar moet word nie sluit in spinobulbêre spieratrofie, spinale spieratrofie, Charcot-Marie-Tooth-siekte, en vele ander.
| Motorneuronsiekte | ||
| Klassifikasie en eksterne bronne | ||
| ICD-10 | G12.2 | |
| ICD-9 | 335.2 | |
| DiseasesDB | 8358 | |
| MeSH | D016472 | |
 Mediese waarskuwing
| ||
Bekende gevalle wysig
- André Schwartz, Suid-Afrikaanse sanger.
- Izak de Villiers (1936-2009), Suid-Afrikaanse digter, joernalis en predikant
- Joost van der Westhuizen, Suid-Afrikaanse rugbyspeler.
- Stephen Hawking, wêreldberoemde Amerikaanse fisikus.
- Tinus Linee, Suid-Afrikaanse rugbyspeler.
Verwysings wysig
- ↑ "Motor Neuron Diseases Fact Sheet: National Institute of Neurological Disorders and Stroke (NINDS)" (in Engels). www.ninds.nih.gov. Geargiveer vanaf die oorspronklike op 24 November 2016. Besoek op 7 November 2010.
