NG gemeente Marondera

Die NG gemeente Marondera is 'n gemeente van die Ring van Midde-Afrika (vroeër die Sinode van Midde-Afrika) in Zimbabwe waarby Rusape ingelyf is.

Ds. H.C. de Wet was die eerste leraar van Marandellas.

Die gemeente se kerksaal.

Die gemeente, wat tot 1982 as Marandellas bekend gestaan het, is op 1 November 1950 gestig met ds. H.C. de Wet as eerste leraar. Die gemeente se eerste groot mylpaal was toe die eerste Dankoffer-insameling die reuse-bedrag van £2 000 inbring.

Voor die gemeente sy eie kerkgebou gekry het, is dienste gehou in die Dingaansfeeshuis in een van die wyke. Buitedienste is ook gereeld elke Sondag in die buitewyke gehou.

Met afstigting het die gemeente slegs 270 lidmate gehad wat oor 'n uitgestrekte gebied van meer as 600 km van noord tot suid gewoon het.

Enkele leraars

• Hendrik Christoffel de Wet, 1951 - 1959
• Johan Theobold Hattingh de Jager, 1960 - 1966
• Louis Haarhoff, 6 Januarie 1968 - 1973
• Stephanus Sebastian Walters, 1975 - 1978
• Wessel Johan Lötter, 1998 - 1999
• Philippus Johannes Jacobus Venter, 1999 - 2000 (aanvaar sy emeritaat)

Bronne

• Olivier, ds. P.L., Ons gemeentelike feesalbum. Kaapstad en Pretoria: N.G. Kerk-uitgewers, 1952.