Die Nara-tydperk (奈良時代 Nara-jidai?) in die geskiedenis van Japan dek die tydperk van 710 tot 794 n.C..[1] Keiserin Gemmei (元明天皇 Gemmei Tennō) het die hoofstad die Heijō-kyō (平城京, hedendaagse Nara) gevestig. Behalwe vir 5 jaar (740-745), toe die hoofstad vir 'n kort tydperk weer geskuif is, het dit die hoofstad van die Japanse beskawing gebly totdat Keiser Kammu (桓武天皇 Kammu Tennō) 'n nuwe hoofstad Nagaoka-kyō (長岡京) gevestig het in 784 voor dit na Heian-kyō (平安京), of Kioto (京都), geskuif is 'n dekade later in 794.

Die grootste deel van die Japannese samelewing was gedurende die tydperk betrokke by landbou wat om klein dorpies beoefen is. Meeste inwoners het die Sjinto-geloof beoefen gegrond op die aanbidding van natuurlike en voorouergeeste (kami).

Die hoofstad by Nara is volgens die model van Chang'an (長安, die hedendaagse Xi'an, 西安), die hoofstad van Tang China (唐) gebou. In baie ander opsigte het die Japannese opperstande hulle volgens die Sjinese gedra, insluitend die aanneming van Chinese karakters (Japannees: kanji, 漢字), kleredrag, en die geloof Boeddhisme.

Verwysings wysig

  1. Dolan, Ronald E. and Worden, Robert L., ed. (1994) "Nara and Heian Periods, A.D. 710-1185" Japan: a country study. Library of Congress, Federal Research Division.