Naudésnekpas
- Hierdie pas moet nie met die Naudespas op die N9 noordoos van Graaff-Reinet verwar word nie.
Die Naudésnekpas (soms Naudesnek) is 'n bergpas in die Oos-Kaap. Dit is die tweede hoogste voertuigpas (2 587 m) in Suid-Afrika.[1] Dit dra die R396-gruispad oor die Drakensberg en verbind Rhodes met Maclear. Die pad is tussen 1890 en 1911 gebou. Daar is twee pieke wat die omgewing oorheers, Cairntoul (2826 m) en Ben Macdhui (3001 m).[2] Dit het 'n maksimum helling van 1:11 en 'n gemiddeld van 1:16.
| Naudésnekpas | |
  Naudésnekpas |
|
| Koördinate: 30°45′53″S 28°6′20″O / 30.76472°S 28.10556°OKoördinate: 30°45′53″S 28°6′20″O / 30.76472°S 28.10556°O | |
|---|---|
| Ligging | Tussen Maclear en Rhodes, Oos-Kaap |
| Maksimumhelling | 1:11 |
| Hoogte | 2 587 m |
| Oppervlak | Gruis |
| Begin in | 1890 |
| Voltooi in | 1911 |
| In | Drakensberge |
| Pad | R396 |
Voordat motoriste hierdie pas aanpak, moet plaaslike raad oor die pad se toestand en die weer ingewin word. Dit word verkieslik met 'n 4x4 voertuig bestyg, indien vanaf Maclear of Mount Fletcher af begin word, behoort Rhodes as 'n middag- of oornagstilhou benut te word. Ongeveer 4½ ure moet opsy gesit word (selfs meer as die weer swaar is) aangesien daar heelwat skerp draaie is en los gruis en klippe op die pad die vordering kan bemoeilik.
