Niel van der Watt

Niel van der Watt (gebore Gerhardus Daniel van der Watt, op 28 Desember 1962 in Pretoria) is 'n Suid-Afrikaanse komponis. Hy is bekend vir sy koorwerke en kamermusiek.

Niel van der Watt
GeboortenaamGerhardus Daniel van der Watt
Gebore28 Desember 1962 (1962-12-28) (61 jaar oud)
Pretoria (Suid-Afrika)
Beroep(e)komponis

Opvoeding wysig

Van der Watt het in Pietersburg grootgeword en daar in 1980 gematrikuleer. Daarna is hy na die Universiteit van Pretoria waar hy die grade BA.Ed (Mus), B.Mus (Hons) (albei cum laude) en M.Mus in komposisie verkry het.

In 1997 het hy sy doktorsgraad in Musikologie aan die Universiteit van Suid-Afrika voltooi met 'n tesis oor die lewe en werk van die Britse komponis, Gerald Finzi.

Loopbaan wysig

Na sy diensplig in die Suid-Afrikaanse Weermag het hy aangesluit by die personeel van Pretoria Boys High as Engels-onderwyser, waar hy tans die Departementshoof van Musiek is en ook die dirigent van die skool se orkes. Hy spandeer baie van sy tyd aan komposisie. Van der Watt het ook reeds 'n hele aantal tradisionele Afrika-musiek vir koor verwerk en hy het ook verskeie Afrikaanse gedigte van digters soos Antjie Krog en N.P. van Wyk Louw getoonset.

Invloede wysig

Terwyl Van der Watt se vroeë werke beïnvloed is deur laat-romantiese komponiste soos Sergei Rachmaninoff en Gabriel Fauré toon sy bemeestering van harmonie en kontrapunte 'n ooreenstemming met Johann Sebastian Bach. Dít, asook 'n bewondering vir jazz, rock en tradisionele Afrika-musiek, maak sy repertoire uniek. 'n Sleutel werk wat dit uitbeeld is die De-Commercialised American Christ's Mass (1995) wat gebruik maak van variasies op gewilde Kersliedere. Alhoewel Van der Watt protestants is het hy heelwat Rooms-Katolieke liturgiese werke geskryf, waaronder twee Misse en 'n Requiem.

Stylkenmerke wysig

Van der Watt se styl is sterk gevestig in die vokale tradisies van Wes-Europa en Suid-Afrika. Hy maak van tekste in verskeie tale gebruik onder andere Afrikaans, Engels, Sepedi, Duits en Latyns en volg die betekenis van die lirieke getrou. Woordskildering kom dikwels voor. Die musiek is hoofsaaklik tonal, hoewel verrykende toonsoorte dikwels gebruik word. Van der Watt maak dikwels van intervalle van vierdes gebruik in beide melodiese en harmoniese vorm en opgestapelde vyfdes kom ook gereeld as harmoniese aksent voor. Dissonante word dikwels gebruik maar domineer nooit nie. Tipiese ritmepatrone en ander Afrika elemente is duidelik herkenbaar.

Niel se vormgebruik word volgens behoefte aangepas en is gewoonlik duidelik omlyn. Hy word as 'n “poly-stylist” beskou en komponeer hoofsaaklik musiek vir 'n bepaalde doel (gebrauchmusik). Sy komposisies is in verskillende style van Neo-Barok tot Afrika-jazz.

Lys van Werke wysig

Sekulêre Koorwerke wysig

  • Ai, meisie, meisie; SAB
  • Alleen; meisiekoor
  • As good as new; orkes en SATB-koor

Religieuse Koorwerke wysig

  • A De-commercialised American Christ’s Mass (1995)
    • i) Kyrie: Amazing Grace
    • ii) Gloria: Do you hear what I hear?
    • iii) Sanctus: White Christmas
    • iv) Benedictus: Santa Claus is Coming To Town
    • v) Agnus Dei: Little Altar Boy

Tradisionele Koorwerke wysig

  • African Dawn (1997)
    • i) Boroko; meisiekoor
    • ii) Ka Mehla; meisiekoor
    • iii) Thobela morena; meisiekoor

Werke vir soliste (vokaal) wysig

  • Benediction; stem en klavier (1989)
  • Bitterbessie dagbreek; stem en klavier
  • Die son sal weer skyn; stem en klavier
  • Dinah Lee (1999); stem, klavier, altsaksofoon en kontrabas
  • Dis my plek (1985); stem en klavier
  • Drup drup druppeltjies (1980); stem en klavier
  • Dust of snow (1997); stem en klavier
  • Fides veritas labor (1990); stem en klavier

Instrumentale werke wysig

  • Trio pour mam’selle leger e’stier; orkes, fluit, klarinet, klavier
  • African Dawn (1997); orkes
  • African Reflection (1994); orkes
  • Afrika kerslied (1996); altsaksofoon en klavier
  • Aquarelle (1984); klavier
  • Boabab (1988); orkes
  • Con'Scertino (1992/1994); altviool en klavier

In Junie 1995 is die African songbook for mixed choir gepubliseer. Dit is geskryf in samewerking met die komponis en dirigent, Johann van der Sandt.

Eksterne skakels wysig