Niesiklopedia
Tipe webblad Wiki
Taal(e) Afrikaans, Engels en meer
Registrasie Opsioneel
Eienaar Uncyclomedia Foundation (vir Niesiklopedia)
Outeur Jonathan Huang en "Stillwaters"
Opgerig 20 Julie 2011 (Niesiklopedia), 5 Januarie 2005 (Uncyclopedia)
Huidige status Aktief
URL niesiklopedia.org

Niesiklopedia (Engels: Uncyclopedia) is 'n inhoudvrye ensiklopedie. Dit is 'n satiriese parodie van Wikipedia en is in Afrikaans, Engels en verskeie ander tale beskikbaar. Die wiki verskaf humoristiese en satiriese artikels van spesifieke temas en is gerig op vermaak eerder as om betroubare inligting weer te gee.

Geskiedenis wysig

Die Engelstalige Uncyclopedia is op 5 Januarie 2005 begin deur Jonathan Huang, oftewel "Chronarian", en 'n anonieme helper wat as "Stillwaters" bekend staan. Uncyclopedia en later Niesiklopedia se kenteken is 'n uitgeholde aartappel in teenstelling met Wikipedia se aardbol. Huang het die domein uncyclopedia.org op 10 Julie 2006 aan Wikia oorgedra sonder die konsensus van die ander webbeheerders. Sedertdien het daar baie interne debatte gewoed oor die eienaarskap van Wikia.

Die Afrikaanse Niesiklopedia is deur die onafhanklike internasionale organisasie "Uncyclomedia Foundation" in die somer van 2011 van stapel gestuur, maar dit het maar min artikels in Afrikaans.

In die begin van 2013 het daar 'n breuk tussen Uncyclopedia en Wikia gekom en loop die projek 'n onafhanklike koers in onder die URL uncyclopedia.co.

Eksterne skakels wysig