Nigel

Nigel is 'n myndorp in Gauteng, Suid-Afrika. Dit lê aan die oostelike rand van die groter Oos-Randgebied en is 14 km noordoos van Heidelberg.

Nigel
Dorp
Nigel  Nigel se ligging in Gauteng
Koördinate: 26°25′13″S 28°28′6″O
Land	Suid-Afrika
Provinsie	Gauteng
Munisipaliteit	Ekurhuleni
Stigting	1886
Oppervlak
• Totaal	139,07 km2 (53,70 vk. myl)
Bevolking  (2011)
• Totaal	38 318
• Digtheid	276/km2 (710/vk. myl)
Rasverdeling (2011)
• Wit mense	33.4%
• Indiërs/Asiërs	3.9%
• Bruin mense	16.7%
• Swart mense	44.9%
• Ander	1.1%
Taal (2011)
• Afrikaans	43.5%
• Zoeloe	23.3%
• Engels	16.1%
• Sotho	5.3%
• Ander	11.8%
Poskode (strate)	1491
Poskode (posbusse)	1491
Skakelkode	011

Geskiedenis

Die Gereformeerde kerk Nigel is op 21 Augustus 1971 ingewy.

'n Prospekteerder het in 1886 goud op die plaas Varkensfontein ontdek en die Nigel Gold Mining Company gestig. Die plaas het aan PJ (Lang Piet) Marais behoort. Die dorp is eers in 1909 gestig en in 1912 amptelik as dorpsgebied geproklameer. 'n Teorie vir die oorsprong van die dorp se naam is dat dit kom uit die boek The Fortunes of Nigel deur sir Walter Scott, wat die prospekteerder ten tyde van die goudontdekking sou gelees het. Die dorp wat rondom die myn ontwikkel het, het die naam uit Scott se boek behou. Mynbou en swaar nywerhede speel vandag nog 'n groot rol in die dorp se ekonomie. Nigel het in 2000 deel geword van die veel groter Ekurhuleni Metropolitaanse Munisipaliteit, wat die grootste deel van die Oos-Rand insluit.

Distrik

Die distrik is 960 km² groot. Die belangrikste produkte wat verbou word, is mielies, beeste, varke en pluimvee. Daar is 'n gevestigde fabriek, Union Carriage & Wagon, wat spoorwegwaens vir Transnet bou. Daar was ook altyd 'n vliegskool by Dunnottar sowat 10 km noord van Nigel, maar dit is verskuif na Langebaan in die Wes-Kaap.

Sien ook

• Lys van dorpe in Suid-Afrika

Verwysings

• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.