Oorbruggingsjaar

'n Oorbruggingsjaar, brugjaar, postmatriek, gapingsjaar (gap-jaar), selfontdekkingsjaar of grootwordjaar verwys na 'n tydperk (nie noodwendig 12 maande nie) waar skoolverlaters hul onderrig tydelik opskort en/of gaan reis, 'n paar opknappingskursusse hier en daar doen of tydelike werk oorsee soek. Dit moet nie verwar word met 'n sabbatsjaar wat studieverlof vir akademici is nie.

Geskiedenis wysig

Die oorbruggingsjaar vind sy oorsprong in die Verenigde Koninkryk in die 1960's. In die Verenigde State is hierdie brugjaar deur Cornelius H. Bull in 1980 gesteun.

In 2011 het die gapingsjaar in die VK gestyg onder skool-, kollege- en universiteitsverlaters omrede dit aantreklik vir loopbaanontwikkeling gelyk het. In 2011 het die syfer gedaal, vanweë die toelatingsmededinging in kursusse en die styging in universiteitskostes.

'n Gapingsjaar het baie gewild geword in die Verenigde Koninkryk, Australië, Kanada en Nieu-Seeland. Die neiging is om 'n jaar te reis, vrywilligerswerk oorsee te doen, wat ook deelname in internasionale opvoedkundige programme insluit wat taalstudie, uitruilprogramme, taalbad, gemeenskapsdiens en onafhanklike studie betrek.

Volgens land wysig

Australië wysig

Australië is 'n gewilde bestemming vir oorsese reisigers. Gewoonlik neem omtrent 2% Australiërs 'n brugjaar voor hulle met tersiêre onderrig begin, en verkies om oorsee te reis (gewoonlik Suidoos-Asië of Europa) of in die binneland met 'n rugsak 'n staptoer te onderneem. Oor die afgelope dekade sluit voornemende studente by die Australiese Weermag aan in die AW se Oorbruggingsjaarprogram – sommige bly aan, terwyl ander voortgaan met tersiêre onderwys.

Denemarke wysig

Denemarke probeer die syfer van skoolverlaters wat 'n gapingsjaar neem beperk deur studente te penaliseer wat hul studie uitstel deur oorsee te reis of voltyds te werk (LW: tersiêre onderrig vir Deense burgers is gratis). In 2006 is bevind dat minder studente as tevore 'n gapingsjaar neem. In April 2009 het die Deense owerhede 'n nuwe wet voorgestel wat 'n bonus aanbied vir studente wat nie 'n gapingsjaar neem nie.

Verenigde State wysig

In die Verenigde State bly die praktyk van 'n gapingsjaar neem die uitsondering op die reël. Onlangs het dit meer algemeen geword, hoofsaaklik weens redes soos uitbranding of die wens om jouself beter te leer ken. Universiteite soos die Universiteit van New York, Amherst College, die Universiteit van Princeton, die Harvard-universiteit, Massachusetts Institute of Technology, die Universiteit van Yeshiva en Reed College het formele beleide wat studente toelaat om hul toelating uit te stel. Onlangs is daar 'n toename onder 21 tot 23-jariges om nagraads 'n gapingsjaar te neem.