Ouessant
Ouessant (Bretons Enes Eusa of Eusa, Engels Ushant) is 'n Franse eiland aan die Bretonse kus. In administratiewe opsig vorm Ouessant sowel 'n munisipaliteit asook 'n kanton wat net hierdie munisipaliteit behels. Die eiland maak deel uit van die gewes Bretagne, die département Finistère en die arrondissement Brest. Lampaul (Bretons Lambaol) is die grootste nedersetting op die eiland en sy administratiewe sentrum. Die munisipaliteit behels daarnaas 92 gehugte. In 2009 het die eiland 'n bevolking van 863 gehad.
|
Ouessant • Enes Eusa | |
|---|---|
| Kaart | Wapen |
 | |
 | |
| Vlag | |
 | |
| Land |  Frankryk
|
| Région (gewes) | .svg){kind=small} Bretagne
|
| Département |  Finistère
|
| Koördinate | 48°28′N 5°06′W / 48.467°N 5.100°W |
| Stigting | |
| Oppervlakte: | |
| - Totaal | 15,58 vk km |
| Hoogte bo seevlak | 0-64 m |
| Bevolking: | |
| - Totaal (2009) | 863 |
| - Bevolkingsdigtheid | 55/vk km |
| Tydsone | UTC +1 |
| - Somertyd | UTC +2 |
| Burgemeester | Denis Palluel |
| Amptelike webwerf | ouessant.fr |
Geografie wysig
Ouessant is die sewende grootste eiland van Frankryk met 'n oppervlakte van 15,58 vierkante kilometer, 'n lengte van agt kilometer en 'n breedte van vier kilometer. Rondom Ouessant is daar 'n aantal kleiner eilande, waaronder Keller-eiland in die noorde. Met sy ligging sowat twintig kilometer wes van die kus van die département Finistère vorm Ouessant die mees westelike punt van Frankryk, die uiterste westelike eindpunt van die Engelse Kanaal (en sy suidelike toegangspunt) asook die mees noordelike eindpunt van die Iroise-seegebied. Die vuurtoring Phare du Créac'h is die eerste lig wat seevaarders raaksien nadat hulle die Golf van Biskaje deurkruis het.
Soos die oorgrote meerderheid van Bretonse eilande bestaan Ouessant in geologiese opsig uit granietgesteente. Die steil, rotsagtige kus rys in die weste tot 'n maksimale hoogte van 61 meter - die hoogste punt op die eiland. Die eiland se vorm lyk op dié van 'n kreefpoot - die westelike gedeelte vertak in twee landtonge, Pern in die noorde en Porz Doun in die suide, wat die Lampaul-baai omsluit. In die ooste vorm Stiff-baai die enigste natuurlike toegangspunt na die eiland. Arland-hawe is die derde en kleinste van Ouessant se baaie en hawens.
Die seestraat van Fromveur skei Ouessant van die Molène-eilandgroep. 'n Ondersese breuk met 'n diepte van 60 meter veroorsaak hier 'n sterk seestroom wat 'n snelheid van agt tot tien knope per uur kan bereik, en Ouessant was vroeër 'n gevreesde eiland onder seemans. Vandag word skepe deur talle vuurtorings beskerm.