Paramaribo
Paramaribo is die hoofstad en grootste stad van Suriname. Die stad het in 2012 'n bevolking van 240 924 gehad en 'n oppervlakte van 182 km². Paramaribo is waarskynlik 'n verbastering van 'n Indiaanse naam "Parmirbo". Die stad lê aan die wesoewer van die rivier Suriname en aan die kus neffens die Atlantiese Oseaan. Die bynaam van Paramaribo is Par'bo. Die historiese stadsentrum is in 2002 deur Unesco as wêrelderfenisgebied gelys.
|
Paramaribo | |
|---|---|
| Kaart | Wapen |
 | |
 | |
| Vlag | |
 | |
| Land |  Suriname
|
| Provinsie | Paramaribo |
| Koördinate | 05°52′N 55°10′W / 5.867°N 55.167°W |
| Stigting | 1603 |
| Oppervlakte: | |
| - Totaal | 182 vk km |
| Hoogte bo seevlak | 3 m |
| Bevolking: | |
| - Totaal (2012) | 240 924 |
| - Bevolkingsdigtheid | 1 300 /vk km |
| Tydsone | UTC -03:00 |
| Burgemeester | |
Geskiedenis wysig
By die Indiaanse dorp Parmibo is in die begin van die 17de eeu 'n handelspos opgerig deur Nicolaes Baliestel en Dirck Claez. Dit het egter in Britse hande geval en die Britte het 'n fort, Fort Willoughby, gebou. In 1667 het die fort en die ligging in Zeeuse hande geval. Die fort word Fort Zeelandia, en Paramaribo word Nieuw Middelburg. Vanuit die fort word Paramaribo stadig uitgebrei.
Demografie wysig
Paramaribo beslaan 'n oppervlakte van 182 km² waarop 240 924 mense woon. Paramaribo is van alle Surinaamse distrikte die kleinste maar ook die digs bevolkte. Ongeveer 50% van die Surinaamse bevolking woon in Paramaribo.
48% van die bevolking van Paramaribo is Christene, 14% Hindoes, 9% Moslems, 4% is andersgelowig, 4% het nie 'n geloof nie en 21% het in die volkstelling geen antwoord op hierdie vraag verstrek nie.
Nederlands is die mees gesproke taal. Altesame 64% van die inwoners praat Nederlands as moedertaal, terwyl alle ander huishoudings dit as tweede taal besig. Ander tale wat gebruik word, is Surinaams (Sranantongo), Sarnami Hindoestani en Javaans.
Eksterne skakels wysig
Wikimedia Commons het meer media in die kategorie Paramaribo.- (en) Toerisme-inligting oor Paramaribo op Wikivoyage
- (en) (fr) Amptelike Unesco-bladsy
