Pentagram

’n Pentagram is ’n vyfpuntige ster wat met vyf reguit lyne getrek word en is een van die oudste simbole in die wêreld. Dit is al meer as 4 000 jaar voor Christus gebruik. Die naam stam van die Griekse πεντάγραμμον (pentagrammon), wat vyf lyne beteken. ’n Ou woord vir die pentagram is ’n drudevoet.

Wiskundige figuur wysig

Die pentagon is ’n sterveelhoek. Dit het 10 hoekpunte, wat vyf-vyf op twee verskillende sirkels lê, maar met dieselfde middelpunt. Die vyf punte op dieselfde van die twee sirkels vorm ’n reëlmatige vyfhoek. Die verhouding tussen die afstand tussen twee opeenvolgende hoekpunte, een op die buitenste sirkel en een op die binnenste sirkel, en die afstand tussen twee opeenvolgende hoekpunte op die binnenste sirkel, word die gulde snede genoem. Die prisma, wat van die pentagram afgelei is, heet ’n pentagramprisma.

Simboliek wysig

Die simbool word op baie plekke gebruik, onder meer in logo's van militêre organisasies. Dit word ook in die esoterie en okkultisme as simbool gebruik. Dit is oorspronklik ’n heidense, voorchristelike teken. Wiskunde was in die Middeleeue een van sewe verbode kunste en deur sy verbintenis met wiskunde het die pentagram ’n negatiewe betekenis gekry.

Die pentagram kom dikwels in Wicca-kringe voor, waar dit verbind word met die elemente en spiritualiteit. In die middel van die 19de eeu is die volgende onderskeid getref: Met die punt omhoog sou dit goed wees, na die hemel gerig; met die punt na onder sou dit sleg wees, na die onderwêreld gerig.^[1]^[2] Die krag van die simbool lê daarin dat dit in beginsel albei oriëntasies behels: In die vyf grootste kruispunte van die ster pas ’n kleiner ster met ’n presies omgekeerde oriëntasie. So dra die goeie die slegte in hom en omgekeerd. In moderne satanisme word ’n omgekeerde weergawe van die pentagram gebruik. Sommige mense sien dit dan ook as ’n simbool van Satan.

Die pentagram word ook beskou as die simbool van volmaaktheid en vroulikheid:

Venus, die simbool van vroulikheid, vorm ’n pentagram in sy pad deur die sterre vanweë sy bewegings met betrekking tot die Aarde.
Die pentagram kan staan vir die ewewig van die vyf elemente van Chinese filosofie.
Dit kan ook staan vir die vyf klassieke sintuie: gevoel, gesig, reuk, hoor en smaak.
Dit kan simbolies wees van die vyf kruiswonde van Christus

Galery wysig

Die pentagram wat deur Venus se wentelbaan gevorm word.
Die seël van Baphomet met die punt na onder is die amptelike seël van die Kerk van Satan.
Marokko se vlag.
Ethiopië se vlag.
’n Man in ’n pentagram, uit Heinrich Cornelius Agrippa se boek De occulta philosophia libri tres.
Nog ’n pentagram uit Agrippa se boek.