Die Perth-kom is 'n dik sedimentêre kom in Wes-Australië. Dit lê onder die Swan kusvlakte wes van die Darling Range as die westelike grens van die Yilgarn kraton en strek verder wes in die see in. Stede en dorpe soos Perth, Busselton, Bunbury, Mandurah en Geraldton is bo-op die Perth-kom gebou.

Geologie wysig

Die Perth-kom het in die laat Permiese tydperk begin vorm tydens die skeiding van Gondwana toe die Australiese kontinentale plaat begin wegdryf het van die Afrika- en Indiese kontinentale plate.

Die Perth-kom was tydens die Permiese tydperk die oostelike kant van die skeurvallei wat gevorm het toe die kontinentale plate uitmekaar getrek is. Die skeiding wat voortgeduur het tot en met die Jurassiese tydperk het gelei tot die insakking van die middelste deel om 'n slenk te vorm wat dit moontlik gemaak het vir die see om in te vloei met die gevolglike neerslag van transgressiewe mariene sediment. Die Perth-kom se struktuur word gedomineer deur listriese uitgebreide breuke wat gevorm het tydens sedimentering en sodoende die verspreiding van die sedimente beheer het.

Die primêre meganisme vir sedimentering was oorspronklik bodemdaling ruimte geskep het vir die sedimente om in af te sak en op te hoop, gevolg deur 'n uitbreiding van die aardbreuk en verdere insakking van die kom as gevolg van die gewig van die sediment daarop.

Die oostelike grens van die Perth-kom is die Darling-breuk, wat topografies ooreenstem met die Darling Eskarp. Kleiner uitlopers van die Perth-kom soos die Collie subkom lê in oos van die Darling-breuk.

Bibliografie wysig

Eksterne skakels wysig