Namibiese Universiteit van Wetenskap en Tegnologie
Die Namibiese Universiteit van Wetenskap en Tegnologie (NUST) is ’n instelling vir tersiêre opleiding in Namibië. In November 2015 toe die naam verander is vanaf Politegnikum van Namibië was die studentetal sowat 13 000.
| Namibiese Universiteit van Wetenskap en Tegnologie | |
|---|---|
 | |
| Die hoofkampus van die Namibiese Universiteit van Wetenskap en Tegnologie. | |
| Leuse in Afrikaans: | Tegnologie en ontwikkeling |
| Leuse in Engels: | Technology and development |
| Gestig: | 1994 |
| Tipe: | Openbare universiteit |
| Rektor: | Prof. dr. Tjama Tjivikua |
| Personeel: | ≥300[1] |
| Studentetal: | 11 500[2] |
| Ligging: | Windhoek, Khomas, Namibië
22°36′40″S 17°03′27″O / 22.61111°S 17.05750°OKoördinate: 22°36′40″S 17°03′27″O / 22.61111°S 17.05750°O |
| Sport: | Sokker, rugby, krieket, basketbal |
| Kleure: | Geel en blou |
| Bynaam: | Poly, Polytech |
| Webtuiste: | polytechnic.edu.na |
Die NUST het in 1985 in Windhoek in die destydse Suidwes-Afrika ontstaan as ’n tegnikon, die benaming wat in Suid-Afrika vir soortgelyke instellings gebruik is. Dié tegnikon het naas die Akademie bestaan, wat gerig was op akademiese opleiding. Ná die gebied se onafhanklikwording in 1990 het die eerste president, Sam Nujoma, ’n kommissie aangestel om ondersoek in te stel na naskoolse opleiding in Namibië. Gevolglik is besluit dat die Akademie herdoop moes word tot die Universiteit van Namibië (Unam) terwyl die tegnikon die Politegnikum van Namibië (Polytechnic of Namibia) sou word. In 1999 het ’n naamsverandering van die politegnikum die eerste keer ter sprake gekom.
In 2012 het die kabinet besluit om voort te gaan met die verandering, in Maart 2015 is die nodige wetgewing deurgevoer en van 16 November 2015 staan die instelling amptelik bekend as die Namibiese Universiteit vir Wetenskap en Tegnologie, waarvan die Engelse afkorting NUST is. Die naamsverandering het na raming sowat R25 miljoen gekos. Aanvanklik sou die kursusse dieselfde bly en die personeel ook dieselfde betrekkings beklee. Die jare lange rektor is Tjama Tjivikua.
Sien ook wysig
Verwysings wysig
- ↑ "Old Mutual donates N$300 000 to the Polytechnic Library". The Namibian (in Engels). 23 Augustus 2010. Geargiveer vanaf die oorspronklike op 22 Augustus 2018.
- ↑ "Tjivikua nicht verärgert". Algemeine Zeitung (in Duits). 24 Augustus 2010. Geargiveer vanaf die oorspronklike op 11 Mei 2016.
Bron wysig
- (de) Polytechnic ade, hallo Universität, Allgemeine Zeitung (Namibië), 20 November 2015.
Eksterne skakels wysig
Wikimedia Commons het meer media in die kategorie Namibiese Universiteit van Wetenskap en Tegnologie.- (af) Politegnikum word universiteit, Republikein, 18 Desember 2012. URL besoek op 20 November 2015.
- Amptelike webwerf Geargiveer 28 Februarie 2009 op Wayback Machine
- Amptelike webwerf van die skool van inligtingstegnologie Geargiveer 28 Februarie 2009 op Wayback Machine
- Amptelike webwerf van die afdeling van sagteware ingenieurswese Geargiveer 9 Maart 2009 op Wayback Machine
- wet 33 van 1994 van die Parlement
