Porsche 911
Die Porsche 911 (uitgespreek as Nine-Eleven of Duits: Neunelfer) is 'n tweedeur, 2+2 hoë werkverrigtingsportmotor wat sedert 1963 deur Porsche AG van Stuttgart, Duitsland vervaardig word. Dit het 'n agtergemonteerde sessilinderbokserenjin en onafhanklike vering reg rondom. Dit het voortdurend ontwikkeling ondergaan, al het die basiese konsep min verander.[1] Die enjins was lugverkoel tot en met die bekendstelling van die Tipe 996 in 1998, met die Porsche se "993"-reeks van modeljaar 1994-1998, synde die laaste van die lugverkoelde Porsches.[2][3]
.jpg) | |
| Oorsig | |
|---|---|
| Vervaardiger | Porsche AG  Duitsland |
| Produksie | 1963–huidig |
| Montering | Stuttgart, Baden-Württemberg, Duitsland |
| Bakwerk en onderstel | |
| Klas | Sportmotor |
| Bakstyl | 2-deur koepee 2-deur cabriolet 2-deur targa |
| Uitleg | Agterenjin, agterwieldryf / vierwieldryf |
| Plek in geskiedenis | |
| Voorganger | Porsche 356 |
| Variante | Porsche Carrera GT Porsche Boxster |
Modifikasies is aan die 911 aangebring deur privaatspanne sowel as die fabriek self vir wedrenne, tydrenne, en ander vorme van motorsport. Dit is een van die suksesvolste kompetisiemotors ooit. Teen die middel-1970's het natuurlik geaspireerde 911 Carrera RSR's al die groot wêreldkampioenskappe vir sportmotorrenne ingepalm, soos die Targa Florio en die Daytona-24-uur, selfs teen prototipes. Die 911-afgeleide 935 turbo het ook die Le Mans 24-uur in 1979 gewen en Porsche het die "Wêreldkampioenskap vir Make"-titels in 1976, 1977, 1978 en 1979 met 911-afgeleide modelle verower.
Lugverkoelde enjins (1963-1997) wysig
Porsche 911 Classic (1963-1989) wysig
Die 911 se wortels skiet uit sketse geteken deur Ferdinand "Butzi" Porsche in 1959.[4] Die Porsche 911 is ontwikkel as 'n kragtiger, groter en gemakliker plaasvervanger vir die Porsche 356, die maatskappy se eerste model. Die nuwe motor maak sy openbare debuut by die 1963 Frankfurtse Motorskou (Internationale Automobil-Ausstellung).[5][6]
Verwysings wysig
- ↑ Corlett, p. 12
- ↑ "Porsche 993 Overview" (in Engels). Geargiveer vanaf die oorspronklike op 9 April 2016.
- ↑ https://www.nytimes.com/topic/company/porsche-ag
- ↑ Paternie, Red Book, p. 8
- ↑ Kandell, Jonathan (28 Maart 1998). "Ferdinand Porsche, Creator of the Sports Car That Bore His Name, Is Dead at 88 (obituary)". The New York Times. Besoek op 6 Februarie 2008.
- ↑ Paternie, p. 11