Sagarias was die 91ste pous van die Rooms-Katolieke Kerk.

Pous Sagarias
Geboortenaam Zacharias, seun van Polichronius
Pontifikaat begin 10 Desember 741
Pontifikaat eindig 22 Maart 752
Voorganger Gregorius III
Opvolger Stefanus II(III)
Gebore
Calabrië, Griekeland
Sterf 15 Maart 752
Rome, Italië

Biografie wysig

Pous Sagarias is van Griekse afkoms, gebore in Kalabrië die seun van Polichronius. Op 10 Desember 741 volg hy Pous Gregorius III op en regeer tot sy dood op 15 Maart 752. Hy word opgevolg deur Pous Stefanus (II) wat slegs 3 dae geleef het na sy verkiesing en nooit in die amp bevestig is. Tot 1961 is Stefanus (II) wel as wettige pous erken, maar is in die jaar deur die Rooms-Katolieke Kerk van die register geskrap, iets wat al die latere pouse met die naam Stefanus se nommering verander het. Pous Sagarias is toe verder opgevolg deur nog 'n pous Stefanus, naamlik Pous Stefanus II (III). Die naam ‘Sagarias’ kom uit Hebreeus en beteken 'God gedenk'.

Pontifikaat wysig

Tydens die pontifikaat van Sagarias het die Rooms-Katolieke Kerk 'n moeilike tyd belewe. Sy voorganger se ooreenkoms met die hertog van Spoleto het nie die Pouslike stede teen die Lombarde beskerm nie en die pous het direk met Liutprand die koning van die Lombarde onderhandel. Die pous het 'n groot invloed op Liutprand en sy opvolger Ratchis gehad.

Die gesag van die Europese heersers het sterk afgeneem sodat die pous feitlik die belangrikste heersers was, maar sonder militêre mag. Die Lombarde het Rome weer bedreig en die pous het hulp nodig gehad. In 751 besluit die Franke om hulle swak koning Childerik III te vervang met Pepyn III die Korte, seun van Karel Martèl. Op die manier het die pous 'n sterk bondgenoot bekom wat sy opvolger Pous Stefanus II in 753 kom help het in die stryd teen die Lombarde.

In sy betrekkinge met die Ooste was die pous minder suksesvol. Die pous het die ikonoklasme van keiser Konstantyn V van Bisantium sterk afgekeur en verhoudings het versleg. Toe die keiser se swaer Artabasdus 'n staatsgreep uitvoer het die pous hom as keiser erken. Dit was 'n fout. Konstantyn het sy swaer gou oorwin en weer keiser geword.

Op teologiese gebied het die pous 'n konsilie belê wat in 745 vasgestel het dat die aartsengel Uriël nie vereer mag word soos Rafaël, Migael en Gabriël nie, omdat hy slegs in die Apokriewe boek 3 (of 4) Esra voorkom.

Verering wysig

Pous Sagarias word as heilige vereer in die Rooms-Katolieke Kerk. Sy feesdag is op 15 Maart.

Bibliografie wysig

  • Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
  • Duff, Eamon. Saints and Sinners: A History of the Popes, Yale University Press, 2001. bl. 62–63. ISBN 0-300-09165-6
  • Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, bl. 47. ISBN 0-500-01798-0.
  • Migne, Jaques Paul. Patrolog. lat., lxxxix. p. 917 – 960. Briewe en dekrete.

Eksterne skakels wysig

 
Wikisource
Die Engelse Wikisource bevat bronmateriaal oor hierdie onderwerp onder die titel:
  • PTA Inskrywing in "Popes through the Ages" deur J. Brusher S.J. (Engels)


Nota wysig

Saamgestel en vertaal uit die Nederlandse, Engelse, Duitse en Franse wikipedia.

Opvolging wysig

Voorafgegaan deur
Gregorius III
Pous (Pontifex Maximus)
741752
Opgevolg deur
Stefanus II(III)