Puntland
Puntland (Somalies: Buntlaand; Arabies: أرض البنط), amptelik die Puntlandstaat Somalië (Somalies: Dowlad Goboleedka Buntlaand ee Soomaaliya; Arabies: ولاية أرض البنط الصومالية, Wilāyat Arḍ al-Bunṭ aṣ-Ṣūmāliyyah), is 'n selfregerende gebied in die noordooste van Somalië en is geleë aan die Horing van Afrika. Anders as die suidelike dele van Somalië, het Puntland 'n werkende regering, en 'n groot mate van wet en orde. Puntland is in 1998 outonoom verklaar en 'n owerheid is volgens die model van Somaliland gestig. Puntland maak aanspraak op die gebiede Sanaag, Sool en Togdheer.
| |||||
| Nasionale leuse: Ster van die Noorde | |||||
| Volkslied: geen | |||||
| |||||
| Hoofstad | Garoowe | ||||
| Grootste stad | Boosaaso | ||||
| Amptelike tale | Somalies en Arabies | ||||
| Regering | Presidensiële grondwetlike republiek Said Abdullahi Deni Ahmed Elmi Osman | ||||
| Onafhanklikheid Outonomie
• Stigting |
binne Somalië 1998 | ||||
| Oppervlakte - Totaal - Water (%) |
212 510[1] km2 82 050 myl2 feitlik geen | ||||
| Bevolking - 2016-skatting - Digtheid |
4 334 633[2] (–) 18 / km2 46,6 / myl2 | ||||
| BBP (KKP) - Totaal - Per capita |
2019-skatting | ||||
| Geldeenheid | Somaliese shilling (SOS)
| ||||
| Tydsone - Somertyd |
OAT (UTC+3) nie toegepas nie (UTC+3) | ||||
| Internet-TLD | .so (Somalië) | ||||
| Skakelkode | +252 (Somalië) | ||||
Garoowe is die hoofstad en Boosaaso is die grootste stad. Puntland beslaan 'n oppervlakte van 212 510 km² en het in 2016 'n bevolking van 4 334 633 gehad.
Geskiedenis wysig
Die naam van die gebied is afgelei van die land Poent wat in reisberigte uit antieke Egipte genoem word en wat êrens in die Horing van Afrika sou gewees het.
Ná die uitbreek van die Somaliese burgeroorlog in 1991 is in 1998 'n plaaslike grondwetlike konferensie in Garoowe gehou oor 'n tydperk van drie maande. Bygewoon deur die politieke elite, tradisionele godsdiensleiers (Issims), lede van die sakegemeenskap, intellektuele en ander verteenwoordigers van die burgerlike samelewing is die konferensie gehou met die doel om dienste aan die bevolking te lewer, sekuriteit te bied, handel te vergemaklik en interaksie met binnelandse en internasionale vennote te verseker. Die uitkoms was die stigting van die outonome Puntlandstaat van Somalië.[4] Abdullahi Yusuf Ahmed het as die stigtingspresident van die nuwe staat gedien.[5]
Vervolgens beskou Puntland homself sedert 23 Julie 1998 as 'n outonome staat in Somalië. Anders as Somaliland het Puntland nie na internasionale erkenning gestreef nie, pleks daarvan het die gebied gestreef na 'n federale Somalië. De facto funksioneer Puntland egter as 'n onafhanklike land, deels omdat daar nog nie 'n effektiewe sentrale gesag in die totale de jure-gebied van Somalië is nie. In April 2024 het Puntland aangekondig dat dit as 'n funksioneel onafhanklike staat sal funksioneer te midde van 'n dispuut oor Somaliese grondwetlike veranderinge.[6]
Demografie en godsdiens wysig
In 2015 word die bevolking van Puntland geskat op 4,2 miljoen inwoners, waarvan 65% nomades is.[7] Die streek word hoofsaaklik bewoon deur mense uit die Somaliese etniese groep, met die Darod wat veral goed verteenwoordig is.[8] Daar is ook 'n aantal inwoners van Mehri.[9]
Die bevolkingsgroeikoers van Puntland is taamlik hoog as gevolg van 'n toestroming van mense uit die suide van Somalië en uit die naburige Noordoos-Afrikaanse lande. Tans woon 30% van die inwoners van die streek in die vinnig groeiende dorpe Boosaaso, Gardo, Galdogob, Garowe en Galkayo. Ongeveer 70% van die bevolking is ook jonger as 30.[7]
Die bevolkingsdigtheid in Puntland word geskat op ongeveer 18 persone per km².[7]
Soos met die res van Somalië is Islam die belangrikste godsdiens van die Puntland-streek, en byna alle inwoners is Moslems.[7]
Verwysings wysig
- ↑ (en) "Rankings – Countries and Territories of the World". populationdata. Besoek op 2 April 2024.
- ↑ (en) "Puntland Facts and Figures 2012–2017" (PDF). Puntlandstaat van Somalië. Besoek op 2 April 2024.
- ↑ 3,0 3,1 (en) (so) "DAWLADA PUNTLAND PUNTLAND STATE EE SOOMAALIYA OF SOMALIA Wasaaradda Qorsheynta, Horumarinta Dhaqaalaha iyo Iskaasahiga Caalamiga ah Ministry of Planning, Economic Development, and International Cooperation Puntland Statistics Department". Besoek op 2 April 2024.
- ↑ (en) His Excellency Abdirahman Mohamed Mohamud (Farole). President of Puntland State of Somalia Somalia: Puntland's Experience in Peace-building and State-building Geargiveer 17 Oktober 2013 op Wayback Machine. garoweonline.com (3 April 2012)
- ↑ (en) Somalia Business Law Handbook: Strategic Information and Laws. International Business Publications. 2013. p. 102. ISBN 1-4387-7104-5. Besoek op 15 Junie 2017.[dooie skakel]
- ↑ (en) "Puntland to Operate Independently From Somalia After Law Change". Bloomber. 2 April 2024. Besoek op 2 April 2024.
- ↑ 7,0 7,1 7,2 7,3 (en) Ministry of Planning and International Corporation Geargiveer 19 Desember 2018 op Wayback Machine
- ↑ (en) Africa Confidential, Volume 48. Miramoor Publications Limited. 2007. p. 131. Geargiveer vanaf die oorspronklike op 31 Desember 2013. Besoek op 23 Oktober 2016.
- ↑ (en) Farah, Mohamed I. (April 1994). "Politics and Society in Somalia's North-Eastern Region". Life & Peace Review. 8 (4). Geargiveer vanaf die oorspronklike op 3 Maart 2012. Besoek op 22 Junie 2013.
Eksterne skakels wysig
Wikimedia Commons het meer media in die kategorie Puntland.- Puntland se amptelike webwerf Geargiveer 16 Januarie 2010 op Wayback Machine
