Regensburg is 'n stad in die ooste van die Vrystaat Beiere (Duitsland) en die hoofstad van die administratiewe gewes Opper-Palts (Duits: Oberpfalz) met 'n bevolking van meer as 152 000.

Regensburg

Kaart Wapen
Stadseël (1253)
 Land Duitsland
 Deelstaat Beiere
 Koördinate 49°01′ N, 12°05' O
 Stigting 79 Romeinse kasteel
179 Castra Regina
 Stadstatus 1207 (Vrye Ryksstad)
 Oppervlakte:  
 - Totaal 80,76 vk km
 Hoogte bo seevlak 326-471 m
 Bevolking:  
 - Totaal (31 Desember 2018) 152 610
 - Bevolkingsdigtheid 1 889,7/vk km
 Tydsone UTC +1 (MET)
 Burgemeester Gertrud
Maltz-Schwarzfischer (SPD)
 Amptelike Webwerf www.regensburg.de
Die katedraal en steenbrug van Regensburg

Die stad is tydens die Tweede Wêreldoorlog behalwe vir sy nywerheidsgebiede nie deur bomaanvalle verwoes nie en is as een van die pragtigste voorbeelde van 'n Middeleeuse Duitse stad op 13 Julie 2006 deur Unesco as 'n wêrelderfenisgebied gelys. Die stad bewaar nie net 'n ryke argitektoniese en historiese erfenis van die Heilige Romeinse Ryk van die Duitse Nasie nie, maar is as die voormalige Romeinse stad Castra Regina, wat in 179 n.C. deur keiser Marcus Aurelius gestig is, ook een van die oudste stede in Duitsland.

Regensburg se argitektuur weerspieël die politieke, ekonomiese en godsdienstige ontwikkelinge gedurende die Middeleeue en pronk met groot, ruim pleine naas smal, kronkelende straatjies in die historiese stadskern. Welvarende koopmansgesinne het tydens die Hoë Middeleeue van Regensburg 'n internasionale handelsmetropool gemaak en statige pastelkleurige geboue met torings vir hulle laat oprig. Daarnaas het hulle die bou van pragtige sakrale geboue geborg.

Regensburg is die setel van 'n Rooms-Katolieke biskop en beskik oor drie universiteite en technikons. Regensburg is die vierde grootste stad in Beiere en 'n belangrike sentrum van die motor-, masjienbou-, elektrotegniese en suikerbedryf.

Geografie wysig

Regensburg lê in die Neder-Beierse lössvlakte, teen die mees noordelike punt van die Donau in die grensgebied van die landskappe Beierse Woud, Frankiese Jura en die Alpynse voetheuwels.

Die Regenrivier mond naby die historiese stadskern in die Donau uit, en 'n aantal stadswyke lê op eilande in die Donau.

Vervoer wysig

Die eerste gereelde skeepsdiens op die Donau, wat Regensburg met Wene in Oostenryk verbind het, is in 1696 ingestel. Die vaart het destyds nog 'n week geduur - mits skeepvaart op die rivier nie deur lae waterpeile, digte mis of sterk winde belemmer is nie.[1]

Verwysings wysig

  1. Matthias Eickhoff • Simone Böcker: Donau-Kreuzfahrt. Tweede hersiene uitgawe. Ostfildern: DuMont Reiseverlag 2014, bl. 38

Eksterne skakels wysig