Russiese presidentsverkiesing, 2012

Die Russiese presidentsverkiesing van 2012 het op 4 Maart 2012 plaasgevind,[1] met Wladimir Poetin van Verenigde Rusland wat met 63,6 persent van die stemme gewen het en daarmee verkies is vir die nuwe, verlengde termyn van ses jaar. Hy was van 2000 tot 2008 reeds president van Rusland en daarna eerste minister onder pres. Dmitri Medwedef. Hy is op 7 Mei 2012 ingehuldig vir sy derde termyn.

Wladimir Poetin
Verenigde Rusland
Gennadi Zioeganof
Kommunistiese Party
Sergei Mironof
Regverdige Rusland
Wladimir Zjirinofski
Liberaal-Demokrate
Michail Prochorof
Onafhanklik

Gennadi Zioeganof van die Kommunistiese Party was tweede met 17,2 persent van die stemme en die onafhanklike kandidaat Michail Prochorof derde met 7,9 persent.

Op 30 Junie 2011 het Poetin, die eerste minister, op ’n streekkonferensie van sy Verenigde Rusland-party gesê die 2012-verkiesing gaan "vuil" wees.[2] Op die kongres van Verenigde Rusland op 24 September 2011 in Moskou het president Dmitri Medwedef voorgestel dat Poetin, sy voormalige mentor, in die verkiesing staan, en Poetin het die aanbod aanvaar. Poetin het dadelik voorgestel dat Medwedef Verenigde Rusland se kandidaat vir die amp van eerste minister moet wees.[3]

Alle onafhanklike kandidate moes teen 15 Desember 2011 geregistreer het en kandidate wat deur politieke partye benoem is, teen 18 Januarie 2012. Die finale lys is op 29 Januarie aangekondig.

Kandidate wysig

Die volgende kandidate is suksesvol geregistreer vir die verkiesing:

Altesaam 11 kandidate, onder andere Grigori Jawlinski van die Jabloko-party, se registrasie is afgekeur, hoofsaaklik omdat hulle nie die nodige aantal handtekeninge ingelewer het nie of omdat te veel van die handtekeninge ongeldig sou wees.

Meningspeilings wysig

Kandidaat 24 Desember 2011 24-25 Desember 2011 7 Januarie 2012 14 Januarie 2012 14-15 Januarie 2012 21-22 Januarie 2012 21 Januarie 2012 28 Januarie 2012
Wladimir Poetin 45% 44% 48% 52% 45% 26% 49% 52%
Michail Prochorof 4% 4% 3% 2% 3% 21% 4% 4%
Gennadi Zioeganof 10% 12% 10% 11% 11% 12% 11% 8%
Wladimir Zjirinofski 8% 11% 9% 9% 10% 8% 9% 8%
Sergei Mironof 5% 4% 5% 4% 3% 4% 6% 4%
Grigori Jawlinski 2% 2% 2% 1% 1% 6%
Dmitri Mezentsef 0% 0% 0%
Ander 2% 0% 1% -
Gaan nie stem nie 10% 9% 9% 10% 10% 11% 9% 11%
Beplan ’n bedorwe stem 1% 1%
Onseker 12% 12% 10% 9% 13% 12% 9% 10%
Getal mense ondervra 1 600 3 000 1 600 1 600 3 000 1 600 1 600 1 600
Bron VTsIOM[5] Openbare Meningsfonds[6] VTsIOM[5] VTsIOM[5] Openbare Meningsfonds[7] Superjob[8] VTsIOM[9] VTsIOM[9]

Volgens ’n VTsIOM-meningspeiling wat op 14 Januarie 2012 gepubliseer is, het Poetin voorgeloop met ’n voorgenome stempersentasie van 48%.[10]

Volgens VTsIOM op 10-11 Desember 2011 sou Poetin 42% van die stemme kry. Dit sou nie genoeg wees om hom ’n klinkklare oorwinning in die eerste ronde te besorg nie. Zioeganof was in die tweede plek met 11%, Zjirinofski het 9% gehad; Mironof 5%; en Jawlinski en Prochorof 1% elk.

Volgens ’n meningspeiling van die Lewada-sentrum van September 2011 sou 41% van Russiese kiesers verkies dat Poetin president word teenoor 22% wat vir Medwedef was, terwyl 10% iemand anders wou hê en 28% onseker was.[11]

Verwysings wysig

  1. "Russia's presidential elections scheduled for March 2012". B92. RIA Nowosti. 21 Julie 2011. Geargiveer vanaf die oorspronklike op 23 Julie 2011. Besoek op 25 September 2011.
  2. "Putin says Russian 2012 election will be dirty" (in Engels). Reuters. 30 Junie 2011. Geargiveer vanaf die oorspronklike op 14 April 2012. Besoek op 25 September 2011.
  3. "Russia's Putin set to return as president in 2012". BBC News (in Engels). 24 September 2011. Geargiveer vanaf die oorspronklike op 3 Januarie 2020. Besoek op 24 September 2011.
  4. Russia billionaire Mikhail Prokhorov to challenge Putin. BBC News (12 Desember 2011)
  5. 5,0 5,1 5,2 По данным ВЦИОМ Geargiveer 8 Februarie 2012 op Wayback Machine.
  6. По данным Фонда «Общественное мнение».
  7. По данным Фонда «Общественное мнение».
  8. "Путин и Прохоров – лидеры президентской гонки". Geargiveer vanaf die oorspronklike op 15 Februarie 2012. Besoek op 19 Februarie 2012.
  9. 9,0 9,1 [1] Geargiveer 5 Maart 2012 op Wayback Machine.
  10. "Putin's and United Russia's ratings on the increase". Voice of Russia. 14 Januarie 2012. Geargiveer vanaf die oorspronklike op 29 Januarie 2012. Besoek op 14 Januarie 2012.
  11. "Россияне о президентских выборах" (in Russies). Levada. 16 September 2011. Geargiveer vanaf die oorspronklike op 25 September 2011. Besoek op 19 Februarie 2012.

Eksterne skakels wysig