SA's Got Talent is 'n Suid-Afrikaanse talentwerklikheidsreeds en deel van die Britse Got Talent-franchise. Die reeks, wat op 1 Oktober 2009 aangevang het, word op SABC2 uitgesaai en behels 'n kompetisie wat op grond van diverse talent gehou word. Sangers, dansers, komediante, verskeidenheidhandelinge en ander opvoerders kompeteer om die topprys van R250 000. Die program word deur aanbieders Rob van Vuuren en Anele Mdoda, beide radiopersoonlikhede, aangebied en die beoordelaars is radio- en media-veteraanpersoonlikheid Shado Twala, Idols-beoordelaar Randall Abrahams, en Ian von Memerty van Strictly Come Dancing-faam.

SA's Got Talent
Genre Werklikheid
Geskep deur Simon Cowell
Aangebied deur Tats Nkonzo
Beoordelaars Shado Twala (2009-)
DJ Fresh (2014-)
Lalla Hirayama (2014-)
Ian Von Memerty (2009-2013)
Randall Abrahams (2009-10)
Oorsprong Vlag van Suid-Afrika Suid-Afrika
Aantal seisoene 5
Aantal episodes 5
Produksie
Looptydperk 60 minute
Verspreider SABC 2 (Seisoene 1 en 2)
e.tv (Seisoene 3-hede)
Uitsending
Eerste lopie 1 Oktober 2009 – hede
Webskakels
Amptelike webwerf

Formaat wysig

Die oudisies vind in verskillende stede en ten aanskoue van die drie beoordelaars plaas. Op enige stip tydens 'n opvoering kan die beoordelaars hul afkeur laat blyk deur 'n gonsknop te druk wat 'n groot rooi X aan die voorkant van hul tafel laat verskyn. Indien al die beoordelaars hul gonsknop gedruk het, is dit neusie verby vir die betrokke optrede. Om na die tweede ronde deur te dring, moet kandidate ten minste twee ja-stemme van die beoordelaars kry, anders word hulle huis toe gestuur.

Ná die oudisies sif die beoordelaars deur die ongeveer 200 kwalifiserende optredes waaruit die top-21 gekies word. Al die deelnemers word teruggeroep om uit te vind of hulle na die halfeindronde deurgedring het.

Die oorblywende kandidate tree binne die bestek van 'n aantal regstreekse halfeindronde op, met die twee gewildste kandidate uit elke halfeindronde wat hulle plek in die eindronde verseker. Anders as in die Amerikaanse weergawe kan die beoordelaars selfs op hierdie punt, waar dit die kykers tuis is wat per SMS vir hul gunsteling stem, die kandidate midde-in hulle optrede keer as al drie X'e getoon word. Hulle word telkens om hul mening oor elke optrede gevra.

Nadat al die kandidate vir die aand opgetree het, word die telefoonstemlyn vir stemme oopgestel. Nadat die stemme getel is, dring die kandidaat met die meeste openbare stemme outomaties na die eindronde deur. Die beoordelaars kies dan tussen die tweede en derde gewildste kandidate, met die wenner uit daardie twee wat ook 'n plek in die eindronde kry. Al die ander kandidate wat daardie aand opgetree het en nie deurgedring het nie, word dan huis toe gestuur.

Opsomming wysig

  • Seisoen 1 (2009): Darren Rajbal
  • Seisoen 2 (2010): James Bhemgee
  • Seisoen 3 (2012): Botlhale Boikanyo
  • Seisoen 4 (2013): Johnny Apple
  • Seisoen 5 (2014): Tholwana Mohale
  • Seisoen 6 (2015): DJ Arch JNR

Seisoen 1 wysig

Die eerste deelnemers wat na die finale ronde in die eerste seisoen (wat in 2009 uitgesaai is) deurgedring het was negentienjarige beatboxer George Avakian uit Johannesburg en kitaarspeler Louwtjie Rothman, 'n hoërskoolleerling uit Bellville.[1] In die daaropvolgende semifinaaluitsending is Darren Rajbal, 'n 19-jarige dowe hiphopdanser vanuit Durban, en Cleo Filander, 'n agtjarige sangeres, na die finale ronde deurgestem.[2] In die laaste semifinaal het Kalon Badenhorst, 'n twaalfjarige hiphop-/moderne danser uit Johannesburg en sangerbroers Willem en Louis van der Merwe uit Stellenbosch, na die finaal deurgedring.[3] Hierdie ses kandidate het op Donderdag 12 November om die prysgeld van R250 000 meegeding en die wenner van die 2009-reeks is as Darren Rajbal aangekondig.

Verwysings wysig

  1. First Two SA’s Got Talent Contestants Into the Finale (Webbladsy). sasgottalent.co.za. URL besoek op 2009-11-12.
  2. Hearing Impaired Dancer Makes It Through to SA’s Got Talent Finale (Webbladsy). sasgottalent.co.za. URL besoek op 2009-11-12.
  3. Six acts voted through to finals by the public (Webbladsy). sasgottalent.co.za. URL besoek op 2009-11-12.

Eksterne skakels wysig