Sekonde

SI-eenheid van tyd, gedefinieer as 9 192 631 770 periodes van die stabiele toestand van hiperfyn oorgange van sesium-133

Die sekonde is die SI-eenheid vir die meting van tyd. Tradisioneel word 'n sekonde gedefinieer deur die feit dat daar 60 sekondes per minuut is, 60 minute per uur en nominaal 24 uur in 'n dag. Die sekonde was dus 1/86 400 van 'n sonnedag (sinodiese dag). Die moderne definisie is egter die tyd waarin daar 9 192 631 770 oorgange tussen die hiperfynvlakke van die grondtoestand van 'n Sesiumatoom by 'n temperatuur van 0K plaasvind.

Een internasionale sekonde is gelyk aan:

  • 1/60 minuut (1 minuut is gelyk aan 60 sekondes)
  • 1/3 600 uur (1 uur is gelyk aan 3 600 sekondes)
  • 1/86 400 dag (1 dag is gelyk aan 86 400 sekondes)

Daar is 31 536 000 sekondes in 'n gewone jaar, 31 622 400 sekondes in 'n skrikkeljaar, en 31 557 600 sekondes in 'n Juliaanse jaar.

Eksterne skakels wysig