Skógar [ˈskou.ar], letterlik "bosse", is 'n klein Yslandse dorpie suid van die Eyjafjallajökull-gletser met 25 inwoners. Die dorp, wat vier meter bo seevlak en 154 kilometer van die hoofstad Reykjavík af lê, maak deel uit van die munisipaliteit Rangárþing eystra. Sy naam dui daarop die omgewing vroeër moontlik bebos was.

Skógar
Dorp
Die Museum vir Volkskunde in Skógar
Die Museum vir Volkskunde in Skógar
Skógar is in Ysland
Skógar
Skógar
Koördinate: 63°31′29″N 19°30′25″W / 63.52472°N 19.50694°W / 63.52472; -19.50694Koördinate: 63°31′29″N 19°30′25″W / 63.52472°N 19.50694°W / 63.52472; -19.50694
LandVlag van Ysland Ysland
KiesafdelingSuðurkjördæmi
RegionSuðurland
CountyRangárvallasýsla
MunisipaliteitRangárþing eystra
Bevolking
 • Totaal25
TydsoneUTC±00:00 (GMT)
Webwerfskogasafn.is

Skógar staan veral bekend vir die nabygeleë Skógafoss-waterval van die Skóga-rivier (met 'n hoogte van 60 meter) en sy Museum vir Volkskunde (Skógasafn). 'n Tweede museum behandel die geskiedenis van vervoer in Ysland. Skógar is die geboortedorp van die Yslandse joernalis, digter, dramatikus en vertaler Matthías Jochumsson (1835–1920) wat onder meer bekendheid verwerf het as die skrywer van die teks van die Yslandse volkslied Lofsöngur.

Skógar is ook die beginpunt van die voetslaanpad Laugavegur wat via die Fimmvörðuháls en Þórsmörk (letterlik "Thor se woud") tot by die afgeleë gebied Landmannalaugar loop.

Eksterne skakels wysig