Sons of Norway
Sons of Norway is die grootste Noors-Amerikaanse organisasie in Noord-Amerika met byna 70 000 lede in die Verenigde State, Kanada en Noorweë. Die vereniging beywer hom veral vir die bewaring van die Noorse kulturele erfenis in Noord-Amerika, die handhawing van kulturele betrekkinge tussen die Skandinawiese moederland en die Nuwe Wêreld en verskaf daarnaas ook assuransies en ander finansiële produkte aan sy lede. Dit is tans die grootste Noorse vereniging buite Noorweë.
Die laasgenoemde aktiwiteite het hul historiese oorsprong in die laat 19de eeu. Sons of Norway is op 16 Januarie 1895 in Minneapolis in die Amerikaanse deelstaat Minnesota deur agtien Noorse immigrante as 'n welsynsorganisasie gestig. Die organisasie het lede en hul gesinne teen die finansiële gevolge van siekte of dood verseker. Mettertyd het die organisasie ook die bewaring van die Noorse kulturele erfenis by sy aktiwiteite ingesluit.
Lees ook wysig
Eksterne skakels wysig
- Die amptelike webwerf van Sons of Norway Geargiveer 5 Desember 2004 op Wayback Machine