Spesiale Taakmag (SAPD)

Die Suid-Afrikaanse Polisiediens Spesiale Taakmag (SAPD STM) is ’n spesiale operasies-element van die Suid-Afrikaanse Polisiediens (SAPD).[1]

Suid-Afrikaanse Polisiediens Spesiale Taakmag
Veiligheidsoefening ter voorbereiding vir die FIFA Sokker-Wêreldbekertoernooi in 2010 by die Lugmagbasis Swartkop
Veiligheidsoefening ter voorbereiding vir die FIFA Sokker-Wêreldbekertoernooi in 2010 by die Lugmagbasis Swartkop
Veiligheidsoefening ter voorbereiding vir die FIFA Sokker-Wêreldbekertoernooi in 2010 by die Lugmagbasis Swartkop
Gestig 1976
Land Vlag van Suid-Afrika Suid-Afrika
Weermagdeel Suid-Afrikaanse Polisiediens
Onderdeel van Afdeling Operasionele Reaksie Dienste[1]
Tipe Taktiese Polisie-eenheid
Spesialisasie Teen-terrorisme, wetstoepassing
Hoofkwartier Pretoria, Durban en Kaapstad[1]
Aantal lede ~90 operateurs

Die STM het ’n formidabele reputasie in terrorismebestryding, insurgensie en gyselaarsredding. Anders as die meeste burgerlike/polisie terrorismebestrydingseenhede in die wêreld, word die Taakmag ook opgelei om militêre spesiale operasies uit te voer. Die Taakmag het al op verskeie geleenthede saam met hul militêre eweknieë gewerk, veral tydens die 30 jaarlange grensoorlog.

Geskiedenis wysig

Na ’n gyselaardrama by die Israeliese ambassade op 28 April 1975 het die Suid-Afrikaanse regering die besluit geneem om ’n spesiale polisie-eenheid op te rig wat met situasies werk waar gyselaars aangehou word.

In 1976 is die Taakmag amptelik opgerig. Die Taakmag val onder die operasionele bestuur van die Afdeling vir Operasionele Reaksiedienste en is verantwoordelik vir die hantering van hoë-risikosituasies soos gyselaarsituasies op land, see en in die lug, insluitend reddingsverwante operasies.

Opleiding wysig

 
Tentoonstelling van die STM by die Waterklooflugmagbasis

Kandidate moet ten minste 21 jaar oud wees, twee jaar ervaring in die polisiediens hê en fisies en verstandelik stabiel wees om die streng en veeleisende opleiding ta kan doen. Die opleiding vind plaas by die Taakmagopleidingsentrm, ongeveer 230 km van Pretoria. Slegs tien persent van alle applikante slaag die opleiding.

Die opleiding bestaan uit die volgende elemente waarvan applikante sewentig persent moet slaag om die opleiding suksesvol te voltooi:

  • Fisiese fiksheid en krag
    • Vyf kilometer hardloop binne 21 minute;
    • Vyftien ononderbroke, opeenvolgende optrekke (met die handpalms na vore);
    • Vyf-en-negentig opsitte binne twee minute;
    • 50 ononderbroke, opeenvolgende opstote binne een minuut; en
    • Tien naellope van 25 meter binne 56 sekondes.
  • Swem
    • 300 meter swem in minder as tien minute.
  • Uithouvermoë
    • Staptog van twintig kilometer met ’n sak van twintig kilogram binne 3½ uur.

Verwysings wysig

  1. 1,0 1,1 1,2 "Overview". South African Police Special Task Force - website is a private initiative established by former Operators (in Engels). Geargiveer vanaf die oorspronklike op 27 Mei 2019. Besoek op 1 Februarie 2018.

Eksterne skakels wysig