Stempel
deel van 'n blom
Die stempel van ’n blomplant is deel van die voortplantingsorgane van die blom. Dit is die deel van die stamper wat stuifmeel opvang en dit is waar die stuifmeel ontkiem. Die stempel is dikwels taai en op verskeie maniere aangepas om die stuifmeel op te vang en te behou – soos met hare, lobbe, knoetse ens.[1]
Die stuifmeel word oorgedra deur die wind, insekte of ander diere of in seldsame gevalle water. Slegs ’n spesifieke kombinasie van stuifmeelkorrels en stempel lei tot bevrugting.
Stempels wissel in vorm van lank en slank tot rond en veeragtig.
Blomstyl wysig
Die blomstyl verbind die stempel met die vrugbeginsel. Style is altyd buisvormig – kort of lank – en kan oop of toe wees. Stuifmeelbuise groei deur die styl om die saadknoppies te bereik.
Verwysings wysig
- ↑ The Penguin Dictionary of Botany, geredigeer deur Elizabeth Toothill, Penguin Books 1984 ISBN 0-14-051126-1
Eksterne skakels wysig
Wikimedia Commons het meer media in die kategorie Stempel.
Hierdie artikel is vertaal uit die Engelse Wikipedia
