Latam Airlines Brasil

(Aangestuur vanaf TAM Linhas Aéreas)

Latam Airlines Brasil (voorheen bekend as TAM Linhas Aéreas) is die grootste Brasiliaanse lugredery wat met sy vloot van 104 vliegtuie na 46 bestemmings in Brasilië, Amerika en Europa vlieg. TAM Linhas Aéreas is in 1961 gestig en het sy hoofkwartier in São Paulo, met die twee plaaslike internasionale lughawens Guarulhos en Congonhas as sy basis.

Latam Airlines Brasil
IATA ICAO Roepteken
JJ TAM TAM
Gestig1976
BedryfsbasisseSão Paulo
Rio de Janeiro
HoofspilleSão Paulo-Guarulhos Internasionale Lughawe
Rio de Janeiro-Galeão Internasionale Lughawe
Brasília Internasionale Lughawe
FokusstedeSão Paulo Congonhas Internasionale Lughawe
Santos Dumont Lughawe (Rio de Janeiro)
Deputado Luís Eduardo Magalhães Internasionale Lughawe (Salvador)
Eduardo Gomes Internasionale Lughawe (Manaus)
Tancredo Neves Internasionale Lughawe (Belo Horizonte-Confins)
Salgado Filho Internasionale Lughawe (Porto Alegre)
Hercilio Luz Internasionale Lughawe (Florianópolis)
Pinto Martins Internasionale Lughawe (Fortaleza)
Recife/Guararapes-Gilberto Freyre Internasionale Lughawe (Recife)
Ministro Pistarini Internasionale Lughawe (Ezeiza)
Miami Internasionale Lughawe (Miami)
LojaliteitsprogramLATAM Fidelidade
AlliansieOneworld[1]
SubsidiêreTAM Airlines (Paraguay)
Vlootgrootte145
Bestemmings91
HouermaatskappyLan Airlines
SitkamerVIP Lounge
HoofkantoorSão Paulo, Brasilië
SleutelpersoneJerome Cadier (HUB)
Omset $10,7 miljard[2] (2017)
Netto inkomste $109,4 miljoen[2] (2017)
Webwerftamairlines.com

Geskiedenis wysig

 
A350 van Latam Airlines Brasil

TAM Linhas Aéreas is in 1961 onder die naam Táxi Aéreo Marília gestig en het destyds met sy enkel-enjin Cessna-vliegtuie passasiers en lugvrag op nasionale roetes tussen São Paulo, Mato Grosso en ander Brasiliaanse stede vervoer.

Die lugredery se geskiedenis is nou verbind met die biografie van kaptein Rolim Adolfo Amaro wat sedert 1963 as vlieënier by TAM werksaam was. Hy het al vroeg die bestuur van die maatskappy oorgeneem wat – met kort onderbrekings – tot by sy afsterwe in 1999 onder sy leiding gestaan het.

In 1971 was die totale aantal passasiers net 3 000. Die lugredery se naam is in 1976 verander na TAM Transportes Aéreos Regionais, en Rolim het as hoofdeelaanhouer 67 persent van die aandele verkry.

In die tagtigerjare het die aantal passasiers sterk toegeneem, onder meer danksy die daarstelling van nuwe vliegroetes na lughawens binne die stadsgebied van Brasiliaanse metropole en TAM se sakebeleid wat klantetevredeheid as sy belangrikste doelwit ingesluit het. Die lugredery het 'n aantal toekennings verwerf, waaronder die tydskrif Air Transport World se World's Best Regional Airline-toekenning in 1995.

In 1996 is die dogtermaatskappy TAM Transportes Aéreos Del Mercosur gestig, wat bestemmings in die buurlande bedien het. In dieselfe jaar is die groep se naam gewysig tot Transportes Aéreos Meridionais.

'n Tyd lank was daar sprake van 'n samesmelting met die sukkelende mededinger Varig. Die onderhandelinge en die versmeltingsproses het egter baie moeilik geraak. Alhoewel die twee lugrederye ooreengekom het om as 'n eerste stap hul kodes te deel, is hierdie samewerking in Junie 2005 weer gestaak.

Vanaf 1982 het TAM F-27-vliegtuie van die vervaardiger Fokker op sy lugroetes gebruik. Die eerste straler-vliegtuig, 'n Fokker 100, is in 1986 in gebruik geneem, en hierdie tipe het in die 1980's en 1990's die ruggraat van TAM se vloot gevorm. Ná 'n aantal ongelukke is die Fokker-stralers deur Airbus-vliegtuie vervang, waarby op internasionale roetes veral die Airbus-straler A330 gebruik word.

Tans beplan die Star Alliance, een van die belangrikste internasionale kodedeeldienste, om LATAM as 'n nuwe lid te aanvaar.

Verwysings wysig

  1. Young, Kathryn M. (1 Oktober 2013). "LAN Colombia joins oneworld; TAM to join March 31, 2014 | Finance & Data content from" (in Engels). ATWOnline. Geargiveer vanaf die oorspronklike op 19 Augustus 2019. Besoek op 16 Mei 2014.
  2. 2,0 2,1 "Lucro da TAM cai 48,9% em 2010, a R$637,4 milhões" (in Portugees). Veja: Economia. 28 Februarie 2011. Geargiveer vanaf die oorspronklike op 19 April 2014. Besoek op 16 Mei 2014.