Tobolsk-kremlin
Die Tobolsk-kremlin (Russies: Тобольский кремль) in Tobolsk, Rusland, is die enigste kremlin van stene in Siberië.
Tobolsk is in 1587 gestig en in 1683 tot 1686 is die Sint Sofia-katedraal van die Mariahemelvaart op ’n heuwel gebou. In die vroeë 18de eeu is die steenmure en die torings van die kremlin gebou, asook ander geboue wat nie behoue gebly het nie. Daarna is verskeie kerke en ander geboue opgerig. Om die erosie van die heuwel te voorkom is die Tobolrivier na die suide herlei.
In 1939 is die Tobolsk-kremlin tot ’n historiese argitektuurmonument verklaar wat deur die staat beskerm word. In 1952 is ’n plan opgestel om die kremlin te restoureer nadat dit begin verval het. Werk het in die vroeë 1970's begin.
Eksterne skakels wysig
Wikimedia Commons het meer media in die kategorie Tobolsk-kremlin.- (ru) Geskiedenis
- (ru) Geskiedenis van Tobolsk en die kremlin
