Die term tourtière verwys na 'n maalvleispastei, wat sy oorsprong in die Kanadese provinsie Québec het en van varkvleis, kalfsvleis of beesvleis gemaak word. Die naam is afgelei van die Franse woord tourte - 'n soort wilde duif, wat aanvanklik vir die gereg gebruik is, maar teen die begin van die 20ste eeu uitgesterf het. Tourtière is 'n tradisionele Kersfees- en Oujaarsaand-gereg in Québec, maar dit word ook die hele jaar deur in kruidenierswinkels aangebied.

Die vulsel word voorberei
Die pastei is klaar om in die oond gebak te word
Tradisionele Franse Kanadese varkvleistert

Die pastei word ook deur Frans-Kanadese in ander dele van Kanada geniet en het danksy die vestiging van talle Kanadese immigrante lankal in die Amerikaanse Nieu-Engeland-state Vermont, New Hampshire en Maine as 'n tradisionele Ou Kersaand-gereg gewild geraak.

Saguenay-Lac-Saint-Jean wysig

In die Saguenay-Lac-Saint-Jean-streek staan hierdie soort vleispastei as pâté à la viande (letterlik "vleispastei") bekend. In hierdie streek is verskillende soorte vleis (waaronder ook wildsvleis), wat in blokkies gesny word, aartappels en tamaties die belangrikste bestanddele. Hierdie variant word in Québec en ander dele van Kanada soms ook tourtière du Lac Saint-Jean genoem.

Eksterne skakels wysig