Die nasionale vlag van Gaboen is op 9 Augustus 1960 amptelik in gebruik geneem. Die vlag vertoon ’n horisontale driekleur met ewe wye bane in (van bo na onder) groen, geel en blou.

Vlag van Gaboen
Vlag van Gaboen
Vlag van Gaboen
Gebruik Burgerlike vlag en vaandel Burgerlike vlag en vaandel
Verhouding 3:4
Goedgekeur 9 Augustus 1960
Ontwerp ’n Horisontale driekleur met ewe wye groen, geel en blou bane.

Simboliek wysig

Groen stel die reënwoude en die houtbedryf van die land voor, geel stel die ewenaar voor wat deur die middel van die land loop en blou stel die Atlantiese Oseaan voor.

Soortgelyke vlae wysig

Die ontwerp van die vlag van Gaboen stem baie ooreen met die vlag van Bandung, Indonesië, veral wanneer die vlae klein vertoon word.

Geskiedenis wysig

Die vorige vlag van Gaboen het uit dieselfde kleure bestaan maar die boonste en onderste baan was heelwat breër as die middelste baan. Die Franse Driekleur het ook in die skildhoek gepryk. Toe Gaboen onafhanklikheid verkry het, is die Driekleur laat vaar en die geel baan, wat die ewenaar voorgestel het, is breër gemaak. In die ou vlag het groen die woude voorgestel en blou die see (Atlantiese Oseaan). In die nuwe vlag stel die groen die land se natuurlike hulpbronne voor, die geel stel die son voor en die blou stel die see voor.

Ander vlae wysig

Eksterne skakels wysig

  • (en) Gaboen by Flags of the World
  • (en) "Flag of Gabon". Encyclopædia Britannica. Besoek op 14 Mei 2019.
Hierdie artikel is in sy geheel of gedeeltelik vanuit die Engelse Wikipedia vertaal.