Vlag van Niger
Die nasionale vlag van Niger is op 23 November 1959 amptelik in gebruik geneem. Die vlag vertoon ’n horisontale driekleur met ewe wye bane in (van bo na onder) oranje, wit en groen met ’n oranje skyf in die middel van die wit (middelste) baan.
 |
|
| Gebruik | Nasionale vlag  |
|---|---|
| Verhouding | 6:7 |
| Goedgekeur | 23 November 1959 |
| Ontwerp | ’n Horisontale driekleur in oranje, wit en groen met ’n oranje skyf in die middel van die wit baan. |
Simboliek wysig
Die oranje baan stel die Sahara in die noorde voor, die wit baan stel die Nigerrivier, die groen baan stel die vrugbare grasvlaktes van die suide voor en die oranje skyf stel die son voor wat oor die land en die rivier skyn. Sommige ander bronne meen dat die wit baan vrede voorstel en die groen baan stel broederskap voor.[1]
Ontwerp wysig
Die huidige vlag is op 23 November 1959 aanvaar toe Niger onafhanklikheid van Frankryk verkry het. Die vlag gebruik dieselfde kleure as die vlae van Ivoorkus, Ierland en Indië, en lyk baie soos die Indiese vlag wat ook horisontale bane in dieselfde kleurvolgorde het.
.svg)
Ander vlae wysig
Die vlag se tradisionele voorstelling met ’n ongewone reghoekinge verhouding is van onbekende betekenis en word nie konsekwent gebruik in amptelike Nigereense regeringspublikasies nie.[2]
-
Verhouding 2:3 -
Verhouding 3:5 -
Verhouding 1:2
.svg)
.svg)
.svg)
Soortgelyke vlae wysig
Die ontwerp van die vlag van Niger stem baie ooreen met die vlag van Indië, behalwe dat daar ’n blou motief eerder as ’n skyf in die middelste baan is.
Verwysings wysig
- ↑ (en) Greig, Charlotte. The Dictionary of Flags. Grange Books. ISBN 1-84013-758-4
- ↑ Sien die FOTW vir ’n bespreking hiervan asook die volgende staatswebblaaie vir voorbeelde van verskillende verhoudings wat amptelik gebruik word:
- (fr) President van Niger
- (fr) Nasionale Vergadering van Niger Geargiveer 18 Augustus 2007 op Wayback Machine
- (fr) Staatskommunikasiekantoor van Niger Geargiveer 23 Maart 2008 op Wayback Machine
Eksterne skakels wysig
| Wikimedia Commons bevat media in verband met Vlae van Niger. |
- (en) Niger by Flags of the World.
- (en) "Flag of Niger". Encyclopædia Britannica. Besoek op 14 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
