Die Wangsakmuis (Saccostomus campestris) kom in feitlik die hele Suider-Afrika voor, uitsluitende die weskus van Suid-Afrika en Namibië. Die knaagdier het sy naam gekry weens die feit dat hy kos in sy wangsakke stoor om dit later in die veiligheid van sy nes te eet.

Wangsakmuis
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Spesie:
S. campestris
Binomiale naam
Saccostomus campestris
Peters, 1846

Voorkoms wysig

Die Wangsakmuis se kleur wissel van grys in die weste tot donkerder grysbruin in die ooste van die gebied waarin hy woon. Die keel en onderkant is wit. Die diertjie word tot 16cm lank en weeg ±45g.

Habitat en gewoontes wysig

Hulle woon in verskeie habitatte maar verkies sanderige grond om in te woon en is naglewend. Hulle eet grassade, forbe, struike, bessies en selde insekte. Daar word 2 - 10 kleintjies in die somer gebore.

Sien ook wysig

Bron wysig

Verwysings wysig

  1. Corti, M., Griffin, M., Coetzee, N. & Chitaukali, W. (2008). "Saccostomus campestris". IUBN-rooilys van Bedreigde Spesies. Weergawe 2011.1. Internasionale Unie vir die Bewaring van die Natuur. Besoek op 29 Junie 2011. {{cite web}}: Ongeldige |ref=harv (hulp)AS1-onderhoud: meer as een naam (link)