Werkswinkel
Sedert die Industriële Revolusie-era, is 'n werkswinkel 'n vertrek of gebou wat beide die plek en gereedskap (of masjinerie) verskaf, wat nodig mag wees vir die vervaardiging of herstel van vervaardigde goedere. Werkswinkels was die enigste plekke van produksie tot en met die koms van industrialisering en die ontwikkeling van groter fabrieke. In die 20ste en 21ste eeu, bevat baie Westerse huise 'n werkswinkel in die garage, kelder, of 'n buiteskuur. Huiswerkswinkels bevat gewoonlik 'n werksbank, handgereedskap, kraggereedskap en ander hardeware.
Spesialisasie wysig
In sommige herstelbedrywe, soos by lokomotiewe en vliegtuie, word die herstelwerk in gespesialiseerde werkswinkels gedoen, soos in spoorwegwerkswinkels. Die meeste herstelwerk word in klein werkswinkels uitgevoer, behalwe waar industriële diens nodig is.
| Hierdie artikel is in sy geheel of gedeeltelik vanuit die Engelse Wikipedia vertaal. |
