Wes-Virginië (Engels: State of West Virginia) is 'n deelstaat in die Appalachegebied van die Verenigde State van Amerika geleë in die Appalache-streek - vandaar die bynaam Mountain State. Hier word een van die belangrikste karstgebiede op aarde aangetref. Sy grotte is die onderwerp van wetenskaplike navorsing, maar ook 'n toeriste-aantreklikheid. Wes-Virginië het 'n oppervlakte van 62 755 vierkante kilometer (wat van die deelstaat die 41ste grootste in die Unie maak) en 'n bevolking van sowat 1,85 miljoen (as die Unie se 38ste mees bevolkte staat). Die hoofstad en grootste nedersetting is Charleston. Belangrike tradisionele ekonomiese sektore sluit die houtbedryf en steenkoolmynbou in. Daarnaas word ruolie en aardgas ontgin.

Deelstaat Wes-Virginië
alt alt
Vlag van Wes-Virginië Seël
Bynaam(e): Mountain State
alt
Kaart van die Verenigde State met Wes-Virginië uitgelig
Amptelike taal(e) Geen (Engelsde facto)
Hoofstad Charleston
Grootste stad Charleston
Area  41ste in die V.S.
 - Totaal 62 755 km2
 - Wydte 210 km
 - Lengte 385 km
 - Water 395 km2
 - % water 0,6 %
 - Breedtegraad 37° 12′ N tot 40° 39′ N
 - Lengtegraad 77° 43′ W tot 82° 39′ W
Bevolking  37de in die V.S.
 - Totaal 5,087,138
 - Digtheid 80,64/km2
27ste in die V.S.
Hoogte  
 - Hoogste punt Spruce Knob
1 427 m
 - Gemiddeld 460 m
 - Laagste punt Potomacrivier
73 m
Toetrede tot die Unie  20 Junie 1863 (35ste)
Goewerneur Jim Justice (R)
Luitenant-Goewerneur Mitch Carmichael (R)
Wetgewer Wes-Virginië Wetgewer
 - Hoërhuis Senaat
 - Laerhuis Huis van Verteenwoordigers
V.S. Senatore Joe Manchin (D)
Shelley Moore Capito (R)
Tydsone UTC -5 / Somertyd -4
Afkortings WV US-WV
Webblad www.wv.gov
Bridge River Valley, Wes-Virginië
Charleston, Wes-Virginië
Historiese houtkerk in die Heritage Farm Museum and Village in Harveytown wat die ou Appalache-leefstyl laat herleef
Uitsig oor die Bluestone-riviervallei
Mielievelde suid van Romney, soos gesien vanuit die Breakneck-uitsigpunt

Wes-Viginië word in die noorde deur Pennsilvanië, in die ooste deur Maryland en Virginië, in die suide deur Virginië, en in die weste deur Ohio en Kentucky begrens. Dit is op 20 Junie 1863 as die 35ste deelstaat wat tot die Unie toegelaat is. Wes-Virginië is een van drie Amerikaanse deelstate wat gevorm is deur afstigting van 'n bestaande deelstaat en die enigste wat losgebreek het van 'n Gekonfedereerde deelstaat, Virginië. Gedurende die Amerikaanse Burgeroorlog tussen 1861 en 1865 het dit 'n strategiese rol gespeel as grensstaat. Interessant genoeg bepaal die Amerikaanse grondwet dat in die geval van 'n afstigting toestemming verkry moet word van die oorspronklike deelstaat. Hierdie toestemming is nooit verkry nie. Ook is die stemming, wat in 1861 gehou is en waarydens burgers in 39 distrikte die afstigting van Wes-Virginië as Unionistiese deelstaat goedgekeur het, weens die stasionering van Unietroepe by stemlokale bevraagteken.

Distrikte in die ooste en suide was gekant teen die afstigting, maar is nogtans om politieke, ekonomiese en militêre redes ingesluit by die nuwe deelstaat. Die bergreeks wes van die Blue Ridge Mountains het Wes-Virginië se natuurlike oosgrens geword wat verdediging teen aanvalle deur Gekonfedereerde magte vergemaklik het. Een van die mees omstrede besluite was die insluiting van die sogenaamde Eastern Panhandle-distrikte wat die Gekonfedereerde saak gesteun het. Die doelwit was om Gekonfedereerde toegang tot die Baltimore- en Ohio-spoorweë, wat deur hierdie gebied geloop het en van groot belang was vir troepebewegings en die ekonomie van die deelstaat, te verhinder.

Eksterne skakels wysig

Toerisme

Geskiedenis

  Verenigde State van Amerika  
StateAlabamaAlaskaArizonaArkansasColoradoConnecticutDelawareFloridaGeorgiaHawaiiIdahoIllinoisIndianaIowaKaliforniëKansasKentuckyLouisianaMaineMarylandMassachusettsMichiganMinnesotaMississippiMissouriMontanaNebraskaNevadaNew HampshireNew JerseyNieu-MeksikoNew YorkNoord-CarolinaNoord-DakotaOhioOklahomaOregonPennsilvaniëRhode IslandSuid-CarolinaSuid-DakotaTennesseeTexasUtahVermontVirginiëWashingtonWes-VirginiëWisconsinWyoming
Federale distrikDistrik Columbia (Washington, D.C.)
EilandgebiedeAmerikaanse Maagde-eilandeAmerikaans-SamoaGuamNoordelike Mariana-eilandePuerto Rico
Klein afgeleë eilandeBakerHowlandJarvisJohnstonKingmanMidwayNavassaPalmyraWake
Geassosieerde landeGefedereerde State van MikronesiëMarshalleilandePalau