Wikipedia:Pretbederwer

Sommige artikels bevat pretbederwers. 'n Pretbederwer binne die raamwerk van media, is 'n stuk inligting omtrent 'n verhalende werk (soos 'n boek, vollengte fliek, televisieprogram of 'n videospeletjie). Dié kennis kan 'n mens se genot van die verhalende werk verminder, deurdat dit sekere storielyngebeure of ontknopings bekend maak. As 'n mens nie die werk waarna die waarskuwing verwys, gelees, gekyk of gespeel het nie, behoort 'n mens dit te doen voordat 'n mens die pretbederwer in die artikel lees.

Nie alle besoekers aan hierdie webwerf besef dat hulle 'n ensiklopedie besoek nie, en 'n ensiklopedie streef tog daarna om in die eerste plek in te lig, of dit nou pretbederwend is of nie. Die artikel wat die aap uit die mou laat, behoort ook 'n ontleding en agtergrondsbesonderhede te verskaf wat nie geredelik beskikbaar is deur net die werk te lees, kyk of speel nie. Die pretbederwerswaarskuwing behoort dus prominent aangedui te word as 'n hoflikheidsgebaar.

Die samewerkers op die Engelse Wikipedia het 'n paar reëls ontwikkel vir die gebruik van pretbederwers in ons artikels:

• Moenie pretbederwers plaas binne-in die paragrawe van hoofopskrifte nie.

• Moenie pretbederwers plaas in die redigeringsopsomming nie.

• Moenie skakel vanaf 'n ander artikel na binne-in die pretbederwerarea nie.

Sien ook

• Spoiler warning vanuit die Engelse Wikipedia.