Wikipedia:Uitgesoekte herdenkings/12 Januarie

12 Januarie:

Vlag van Biafra

• 1904 – Namibiese volksmoord 1904-1908: 'n Paar honderd berede Herero's val Okahandja in die destydse Duits-Suidwes-Afrika aan. Geboue word aan die brand gesteek en 123 mense, meestal Duitsers, sterf.
• 1915 – Eerste Wêreldoorlog: Suid-Afrikaanse magte val Duits-Suidwes-Afrika by Ramansdrift in.
• 1945 – Tweede Wêreldoorlog: Die Rooi Leër begin 'n reuse-offensief aan die Oostelike Front wat die Duitse linies by Vistula breek en die weg baan vir die oorwinning van Berlyn.
• 1970 – Die selfverklaarde Republiek van Biafra in Suidoos-Nigerië gee oor en dit bring 'n einde aan die Nigeriese Burgeroorlog.
• 2010 – ’n Aardbewing van 7,0 op die Richterskaal vernietig die Haitiaanse hoofstad Port-au-Prince grotendeels met sterftes tussen 220 000 en 500 000.