Willem Ogier
Willem Ogier (1618–1689) was 'n Vlaamse skoolmeester, dramaturg en komediant.
Guilliam Ogier | |
|---|---|
 Portret van Ogier geëts deur Gaspar Bouttats vir die publikasie van De seven hooft-sonden (1682) | |
| Gebore | 17 Julie 1618 |
| Sterf | 22 Februarie 1689 (op 70) Antwerpen |
| Nasionaliteit | Brabants |
Lewe wysig
Willem Ogier is in 1618 in Antwerpen gebore maar in Amsterdam grootgemaak. Na die dood van sy vader keer hy egter terug na Antwerpen. [1] Hy registreer in 1644 by die skoolmeestersgilde en word in die 1650's dekaan van die gilde. Hy skryf komiese sedelesse vir opvoering deur die Violieren en De Olijftak rederykerskamers (burgerlike poësie en drama-verenigings).
Die eerste optredes van sy werk het dikwels tydens die Fees van Sint Lukas (18 Oktober) plaasgevind aangesien die rederykers 'n noue verbintenis met die Gilde van Sint Lukas gehad het (die gilde van skilders, drukkers en boekverkopers). Toe die Olyftack en Violieren in 1660 saamsmelt, neem Ogier 'n leidende rol aan as factor van die nuut saamgestelde rederykerskamer. Hy is op 22 Februarie 1689 in Antwerpen oorlede.
Toneelstukke wysig
- Droncken Heyn, die eerste keer opgevoer deur die Olyftack op 18 Oktober 1639
- De hooveerdigheydt, die eerste keer opgevoer deur die Violieren op 18 Oktober 1644
- De gramschap, die eerste keer opgevoer deur die Violieren op 18 Oktober 1645
- De onkuysheydt, die eerste keer opgevoer deur die Violieren op 18 Oktober 1646
- Den haet en nydt, die eerste keer opgevoer deur die Violieren op 18 Oktober 1647 (teks van die Amsterdamse uitvoering, 1671, is beskikbaar by Google Books)
- De traegheydt, die eerste keer opgevoer deur die Olyftack op 18 Oktober 1677
- De gierigheydt, die eerste keer opgevoer deur die Olyftack op 18 Februarie 1678
- Belachelijk misverstant ofte boere geck, die eerste keer opgevoer deur die Olyftack op 18 Oktober 1680
Publikasie wysig
Ogier se De seven hooft-sonden is in 1682 gebundel vir publikasie, met Droncken Heyn wat verwerk is as De Gulsigheydt.
'n Kritiese uitgawe van sy toneelstukke is geredigeer deur Willem van Eeghem en A.A. Keersmaekers en in drie volumes as Willem Ogier: De tooneelwerken gepubliseer (Antwerpen en Amsterdam, 1921–1955).
Verwysings wysig
- ↑ G. Stuiveling, "Ogier, Guilliam", in G. J. van Bork & P. J. Verkruijsse (reds.), De Nederlandse en Vlaamse auteurs van middeleeuwen tot heden met inbegrip van de Friese auteurs (Weesp, 1985), bl. 422.
Studies wysig
- August Snieders, "Lezing: Willem Ogier en zijn tijd", Verslagen en mededelingen van de Koninklijke Vlaamse Academie voor Taal- en Letterkunde (1888): 70–86.