Willies Mchunu
Willies Mchunu (gebore 11 Mei 1948) was die 7de premier van die KwaZulu-Natal provinsie in Suid-Afrika. Hy was voorheen die lid van die Uitvoerende Raad (LUR) vir die departement van vervoer, gemeenskapsveiligheid en skakeling in die provinsie. Hy is 'n lid van die African National Congress en die voormalige voorsitter van die Suid-Afrikaanse Kommunistiese Party (SAKP) in KwaZulu-Natal en 'n lid van die Sentrale Komitee van die SAKP.[1] Hy word as 'n noue bondgenoot van voormalige Suid-Afrikaanse president Jacob Zuma beskou.[2]
Kontroversies wysig
Geweld by die Kennedyweg informele nedersetting in 2009 wysig
Willies Mchunu se reaksie op die gewelddadige aanvalle op Abahlali baseMjondolo by die Kennedyweg- informele nedersetting was en bly omstrede.[3][4] Ten tyde van die aanval het hy beweer dat die aanvalle deur 'n "kriminele forum" was wat verband hou met Abahlali baseMjondolo-president S'bu Zikode.[5] Abahlali baseMjondolo en baie burgerlike organisasies het die aanval op Abahlali baseMjondolo- en Kennedyweg-inwoners polities gemotiveerd genoem en blameer Mchunu dat hy die aanvalle deur 'n gewapende groep geaffilieer met die ANC goedgekeur het.[6][7][8] Mchunu se reaksie op die aanvalle is ook deur biskop Rubin Phillip en aartsbiskop Thabo Makgoba gekritiseer.[9] Mchunu het oproepe vir 'n onafhanklike ondersoek na die aanvalle geweier.[10][11] Amnestie Internasionaal het 'n brief van kommer aan Willies Mchunu gestuur, maar daar was geen reaksie van sy kantoor nie.[12]
Sterftes tydens die 'Fiksheidstoets' van die Verkeersdepartement in 2012 wysig
In 2012 is ses aansoekers vir poste as verkeersbeamptes tydens 'n fiksheidstoets dood weens uitputting, en nog een het selfmoord gepleeg waarna daar oproepe was vir Mchunu se bedanking.[13]
Fields Hill 2013 botsing wysig
Sedert 24 mense op 5 September 2013 in een van die aakligste ongelukke op Fields Hill in Pinetown dood is, het Willies Mchunu oproepe van inwoners vir die verbod op vragmotors op die "Hill of Horrors" soos dit bekend geword het, afgewys.[14]
Verwysings wysig
- ↑ What is Going on in KZN?, by Paul Trewhela, Politics Web, 9 January 2012
- ↑ Senzo Mchunu's removal: 'Premier League' has cemented its support in KZN, Natasha Marrian, Business Day, 25 May 2016
- ↑ Willies Mchunu and the attack on Kennedy Road, Paul Trewhela, Politics Web, 29 August 2011
- ↑ Appeals are important, even on behalf of Zuma, Steven Friedman, Business Day, 1 June 2016
- ↑ "Police task team for Kennedy Road on cards after weekend killings". SA Government.
- ↑ "The Provincial Government and the Police have Officially Endorsed the Attacks on Abahlali baseMjondo". Anarkismo.
- ↑ "Ethnic tension boils over". Mail & Guardian.
- ↑ "Update from Kennedy Road". Abahlali baseMjondolo.
- ↑ "The Archbishop of Cape Town Speaks Out". Abahlali baseMjondolo.
- ↑ "Kennedy Road truth being hidden". BusinessDay.
- ↑ "The Kennedy Road Informal Settlement controversy: Why an independent inquiry is essential". The KZN Witness.
- ↑ South Africa: Failure to conduct impartial investigation into Kennedy Road violence is leading to further human rights abuses, Amnesty International, 16 December 2009
- ↑ Fitness test deaths: Provincial minister dismisses calls to resign, Mail & Guardian, 31 December 2012
- ↑ "VIDEO: Councillor on Fields Hill truck restrictions". East Coast Radio. 5 September 2014. Geargiveer vanaf die oorspronklike op 19 Januarie 2015. Besoek op 5 September 2014.