Winburg is 'n dorpie in die Vrystaat wat in 1836 deur die Voortrekkers aangelê is. Dit was die eerste Vrystaatse hoofstad. Die naam is oorspronklik "Wenburg" gespel, wat volgens sommige kenners ter viering van die Boeremagte oor die Matabele gegee is en volgens ander oor die oorwinning in 'n regsdispuut oor die presiese ligging van die dorp.

Winburg
Winburg se stadsaal
Winburg se stadsaal
Winburg is in Vrystaat
Winburg
Winburg
 Winburg se ligging in Vrystaat
Koördinate: 28°31′0″S 27°0′36″O / 28.51667°S 27.01000°O / -28.51667; 27.01000Koördinate: 28°31′0″S 27°0′36″O / 28.51667°S 27.01000°O / -28.51667; 27.01000
LandVlag van Suid-Afrika Suid-Afrika
ProvinsieVrystaat
DistrikLejweleputswa
MunisipaliteitMasilonyana
Stigting1836
Oppervlak
 • Totaal63,46 km2 (24,50 vk. myl)
Hoogte
1 430 m (4 690 ft)
Bevolking
 (2011)[1]
 • Totaal1 373
 • Digtheid22/km2 (60/vk. myl)
Rasverdeling (2011)
 • Wit mense5.4%
 • Indiërs/Asiërs0.3%
 • Bruin mense1.7%
 • Swart mense92.2%
 • Ander0.4%
Taal (2011)
 • Sotho 78.5%
 • Afrikaans 9.1%
 • Engels 4.2%
 • Xhosa 3.7%
 • Ander 4.5%
Poskode (strate)
9420
Poskode (posbusse)
9420
Skakelkode051
Plaaslyne: 05242
Die Voortrekkervlag.

Dit het 'n rol gespeel in verskeie ander oorloë met plaaslike stamme en was 'n gevegstoneel tydens die Rebellie van 1914. Vandag is dit 'n graan- en wolsentrum. Die N1 nasionale pad gaan langs die dorp verby, terwyl die N5 nasionale pad hier begin na Harrismith (en omgekeerd).

NG gemeente wysig

Hoofartikel: NG gemeente Winburg
 
NG Kerk Winburg

Die NG gemeente is in 1841 as die 27ste gemeente in die land gestig. Dit was die eerste gemeente in die Vrystaat, is sewe jaar ouer as Bloemfontein se moedergemeente en naas Pietermaritzburg (1839) die oudste buite die destydse Kaapprovinsie. Twis en tweedrag in die gemeente weens die Maritz-rebellie het gelei tot die stigting van die gemeente Rietfontein in 1917 (sonder grense, soos byvoorbeeld NG gemeente Potchefstroom-Mooirivier in dieselfde jaar). In 2014 het die moedergemeente 194 belydende lidmate gehad en Rietfontein 271.

Bekende boorlinge wysig

Sien ook wysig

Verwysings wysig

  1. 1,0 1,1 1,2 1,3 "Hoofplek Winburg". Sensus 2011.

Eksterne skakels wysig