Wir sind Helden

Wir sind Helden
	Van links na regs: Mark Tavassol, Jean-Michel Tourette, Pola Roy, en Judith Holofernes.
Agtergrondinligting
Oorsprong	Duitsland
Genres	Pop, poprock, alternatiewe pop
Jare aktief	2001 – hede
Etikette	EMI
Webwerf	www.wirsindhelden.com
Lede	Judith Holofernes; Pola Roy; Mark Tavassol; Jean-Michel Tourette

Wir sind Helden (Duits, Ons is helde) is 'n Duitse musiekgroep uit Hamburg. Dit is moeilik om die groep se genre te kategoriseer, maar die groep se styl is al telkemale vergelyk met dié van Neue Deutsche Welle. Wir sind Helden se deurbraak was in 2002 in Duitsland met hul treffer "Guten Tag" ("Goeie Dag", "Hallo"), wat #53 op die Duitse enkelslys behaal het en baie speeltyd op MTV Europa gekry het, ten spyte van die feit dat die groep nie 'n platekontrak gehad het nie. Die groep se debuutalbum Die Reklamation (2003) het die Duitse albumlyste op #6 binnegetreë en het uiteindelik opgeskuif tot #2. Hul gewildheid is 'n groot hupstoot gegee nadat Judith Holofernes op televisie verskyn het op die Harald Schmidt Show, wat veroorsaak het dat hul klein klubtoer onmiddellik uitverkoop het. Hul tweede album, Von hier an blind (2005) het die Duitse en Oostenrykse trefferlyste heelbo binnegetree, en het binne die toptien geboer vir twintig weke.

Wir sind Helden ondersteun gereeld ander groepe deur aan hulle die geleentheid te skenk om hul (Wir sind Helden se) konserte te open.

In laat-2006 het sangeres Judith Holofernes en tromspeler Pola Roy tyd afgevat om saam 'n baba te hê. Die groep het in 2007 teruggekeer met die album Soundso (Afrikaans: So en So), gepaardgaande met 'n reeks konserte regoor Duitsland.

Toekennings wysig

Wir sind Helden Augustus 2005.

ECHO
- 2004: "Beste Nasionale Nuutkomeling", "Beste Bemarking" (EMI-etiket), "Beste Nuwe Nasionale Talent Op Radio", "Beste Duitse Video"
- 2006: "Best Nasionale Musiekgroep"

1 Live Krone
- 2003: "Beste Nuwe Musiekgroep"
- 2004: "Beste Kosertgroep"
- 2005: "Beste Album" (Von hier an blind)

Europese Grensbrekerstoekenning
- 2005