Wladimir-oblast
Wladimir-oblast (Russies: Влади́мирская о́бласть, Wladimirskaja oblast) is ’n deelgebied van Rusland. Dit lê in die Sentrale Federale Distrik en die hoofstad is Wladimir, sowat 190 km oos van Moskou. Volgens die Russiese sensus van 2010[1] is die inwonertal 1 443 693.
| Wladimir-oblast Владимирская область | ||||
| ||||
| Die ligging van Wladimir-oblast in Rusland. | ||||
| Politieke status | ||||
| Land |  Russiese Federasie
| |||
| Federale distrik | Sentrale | |||
| Ekonomiese streek | Sentrale | |||
| Regering | ||||
| Hoofstad | Wladimir | |||
| Leier | Swetlana Orlowa | |||
| Amp | Goewerneur | |||
| Wetgewer | Oblast-doema | |||
| Bevolking | ||||
| Sensus | 2010 | |||
| Totaal | 1 443 693 | |||
| Volgorde | 31ste | |||
| Digtheid | 49,78/km2 | |||
| Stedelik | 77,6% | |||
| Plattelands | 22,4% | |||
| Statistiek | ||||
| Oppervlakte | 29 000 km2 | |||
| Volgorde | 66ste | |||
| Tydsone | UTC+04:00 | |||
| Registrasienommer | 33 | |||
| Amptelike tale | Russies | |||
| Webtuiste | http://www.avo.ru | |||
| Wapen en vlag | ||||
  | ||||
| ||||
Unesco se lys Wêrelderfenisgebiede sluit die 12de-eeuse katedrale van Wladimir, Soezdal, Bogoljoebowo en Kideksja in.
Geskiedenis wysig
Die gebied van die hedendaagse oblast word sedert antieke tye bewoon. Die oudste bewyse van menslike bewoners dateer uit die Laat Paleolitikum. ’n Nedersetting van Homo sapiens uit omstreeks 25000 v.C. is in die omgewing van Soengir ontdek. Verskillende volke het die streek deur die eeue bewoon, onder andere Slawiërs, Tatare, Fins-Oegriërs en Balte.
Die Slawiese kolonisasie van die omgewing van Moerom en Soezdal het in die 10de eeu begin. Die hedendaagse Wladimir-oblast het in die 11de eeu deel van die Prinsdom Rostof-Soezdal geword en in die 12de eeu deel van die prinsdom Wladimir-Soezdal. In die middel 12de eeu, tydens die bewind van Joeri Dolgoroeki en Andrei Bogoljoebski, het Wladimir vinnig ontwikkel. Nuwe nedersettings het ontwikkel, onder meer Kideksja en Bogoljoebowo, waarvan historiese monumente steeds te sien is.
Die oblast was in die Sowjettyd eers deel van die Iwanowo-oblast totdat dit in 1944 ’n aparte oblast geword het.
Geografie wysig
Wladimir-oblast grens aan Moskou-, Jaroslawl-, Iwanowo-, Rjazan- en Nizjni Nowgorod-oblast. Dit is in die middel van die Oos-Europse Vlakte geleë. Die Kljazma en Oka is die belangrikste riviere. Daar is ook sowat 300 mere en gemengde woude.
Daar is tans meer as 50 soogdierspesies in die oblast, onder meer elande, wildevarke, reebokke, edelherte en sikaherte, asook rooikatte, wolwe, eekhorings, jakkalse en veel meer. Die Russiese watermol, ’n halfwaterdier, word as bedreig beskou.
Daar is ook sowat 216 spesies voëls, onder meer auerhoenders, korhoenders, patryse, houtsnippe, ganse, eende, ensovoorts.
Sowat 40 spesies vise kom in die streek se water voor. Dit sluit in palings, karpers, snoek, baarse, brasems en steure in die Kljazmarivier.
Die omvang van die oblast se oppervlakwater is 32,9 hektaar. Daar is honderde riviere met ’n totale lengte van meer as 8,6 miljoen kilometer. Die Kljazma vloei in die Oka in die suidoostelike hoek van die oblast, wat aan Nizjni Nowgorod-oblast grens. Dit het verskeie sytakke, soos die Sjerna, Kirzjatsj, Peksja, Koloksja, Nerl, Soedogda, Oewod en Loech. Sytakke van die Oka in Wladimir sluit in die Goes, Oenzja en Oesjna. Die Doebna, ’n sytak van die Wolga, se oorsprong is naby die dorp Aleksandrof. Die Oka is dwarsdeur die streek vaarbaar (157 km). Verder is daar sowat 300 meestal vlak mere.
Demografie wysig
In 2010 het die oblast 1 443 693 inwoners gehad.[1] Daarvan was 95,6% Russe, 0,9% Oekraïners, 0,5% Tatare, 0,5% Armeniërs en 0,3% Belarusse.
Stede en dorpe wysig
Verwysings wysig
- ↑ 1,0 1,1 1,2 (ru) Оценка численности населения на 1 января 2014 года и в среднем за 2013 год Geargiveer 19 Oktober 2015 op Wayback Machine
Skakels wysig
Wikimedia Commons het meer media in die kategorie Wladimir-oblast.
Hierdie artikel is in sy geheel of gedeeltelik uit die Engelse Wikipedia vertaal.
