2007-Drienasiesreeks

Die 2007-Drienasiesreeks was die twaalfde keer wat die rugbytoernooi tussen Australië, Nieu-Seeland en Suid-Afrika plaasgevind het. Dit is vanaf 16 Junie tot 21 Julie oor ses wedstryde beslis met elke span wat vier wedstryde gespeel het. Dit is vroeër en korter as in 2006 gehou omdat die Rugbywêreldbeker nog ingepas moes word. Nieu-Seeland het die toernooi vir die agtste keer gewen. Buitendien het hulle die Bledisloebeker ingepalm en die Vryheidsbeker gewen, terwyl Australië met die Mandela Uitdaagplaat weggestap het. Dan Carter van Nieu-Seeland het die meeste punte aangeteken. Tony Woodcock van Nieu-Seeland en Matt Giteau van Australië het elk twee drieë gedruk.

2007-Drienasies
Datums 16 Junie - 21 Julie
Kampioen Vlag van Nieu-Seeland Nieu-Seeland (8 titels)
Wedstryde gespeel 6
Drieë gedruk 19 (3.17 per wedstryd)
Bywoning 306 996 (51 166 per wedstryd)
Meeste punte Vlag van Nieu-Seeland Dan Carter (62)
Meeste drieë Vlag van Nieu-Seeland Tony Woodcock
Vlag van Australië Matt Giteau (2 elk)
2006
2008

Die toernooi is deur SANZAR georganiseer, ’n konsortium wat uit die drie lande se rugbyfederasies bestaan. Sedert 2012 is dit na die Rugbykampioenskapreeks verander toe ook Argentinië tot die toernooi toegetree het.[1]

Formaat wysig

Die formaat vir die 2007-toernooi het na dié van die vorige jare teruggekeer omdat die Rugbywêreldbeker nog ingepas moes word. Elke span het twee keer tuis gespeel, en twee keer weg, met ’n totaal van vier wedstryde elk, en ses in totaal. Met ’n wen het ’n span vier punte verdien, gelykop twee ligapunte, en ’n verloor met agt of meer punte nul ligapunte. ’n Bonuspunt kon verdien word op een van twee maniere: deur ten minste vier drieë in ’n wedstryd te druk, of deur met sewe punte of minder te verloor. Die toernooi se wenner was die span met die meeste ligapunte aan die einde van die toernooi.

Telkaart wysig

Nasie Wedstryde Punte Bonuspunte Ligapunte
Speel Wen Gelyk Verloor Vir Teen Verskil
1   Nieu-Seeland 4 3 0 1 100 59 +41 1 13
2   Australië 4 2 0 2 76 80 –4 1 9
3   Suid-Afrika 4 1 0 3 66 103 –37 1 5

Wedstryddatums wysig

Datum Datum
Week 1 16 Junie Week 4 7 Julie
Week 2 23 Junie Week 5 14 Julie
Week 3 30 Junie Week 6 21 Julie

Week 1 wysig

Week 2 wysig

Week 3 wysig

Week 4 wysig

Week 5 wysig

Week 6 wysig


Drienasiesreekskampioen 2007
  Nieu-Seeland

Statistiek wysig

Meeste punte en drieë wysig

Meeste punte aangeteken:
Naam Punte
1   Dan Carter 62
2   Stirling Mortlock 39
3   Percy Montgomery 19
Meeste drieë gedruk:
Naam Drieë
1   Matt Giteau 2
  Tony Woodcock

Sien ook wysig

Verwysings wysig

  1. (en) "Rugby: IRB clears way for Argentina to join Tri-Nations". The New Zealand Herald. 13 Mei 2010. Geargiveer vanaf die oorspronklike op 28 April 2020. Besoek op 22 Mei 2010.

Eksterne skakels wysig