Die Alblasserwaard is 'n streek in die provinsie Zuid-Holland; 'n klein stukkie lê in die provinsie Utrecht.

Nr. 11 regs is die Alblasserwaard
Die Alblasserwaard naby Hoornaar
Die Alblasserwaard naby Bleskensgraaf
Die Alblas-riviertjie naby Oud-Alblas
Die dorp Noordeloos

Die Alblasserwaard is 'n landelike streek met baie weide, wat hom ongeveer anderhalwe meter onder seevlak bevind en grotendeels uit veen bestaan.

Hierdie streek word in die suide begrens deur die Beneden-Merwede- en Boven-Merwede-riviere, in die weste deur die Noord-rivier, in die noorde deur die Lek-rivier en in die ooste deur die Oude Zederik-rivier, die Merwedekanaal en die Linge-rivier.

Die nedersettings in die streek bestaan uit dorpies en gehuggies, behalwe Nieuwpoort en Gorinchem, wat is kleine stede. Sewe munisipaliteite is geleë in die Alblasserwaard, waarvan die munispaliteit Molenlanden die grootste deel beslaan.

Die streek se dialek word Alblasserwaards genoem, wat is 'n Hollandse dialek en wat baie lyk soos die naburige Vijfheerenlands.

Munisipaliteit Inwoners
(2022)
Oppervlak
(km²)
Opmerking
Alblasserdam 20.000 10
Gorinchem 37.000 17 'n Stukkie lê in die Tielerwaard-streek (ongeveer 5 km² met sowat 900 inwoners).[1]
Hardinxveld-Giessendam 19.000 19
Molenlanden 45.000 188 'n Klein stukkie lê in die Vijfheerenlanden-streek (ongeveer 4 km² met nouliks inwoners).[2]
Papendrecht 32.000 11
Sliedrecht 26.000 14
Vijfheerenlanden [3] 8.000 20 Dit betref slegs 'n stukkie wat in die Alblasserwaard-streek geleë is.[4]
Totaal 187.000 279

Naburige streke wysig

Krimpenerwaard Lopikerwaard (UT)
IJsselmonde   Vijfheerenlanden (UT)
Eiland van Dordrecht,
Land van Heusden en Altena (NB)
Tielerwaard (GE),
Bommelerwaard (GE)

Verwysings wysig

  1. Die gebied van die dorp Dalem en omgewing.
  2. Die gebied oos van die dorp Arkel.
  3. Die Vijfheerenlanden-munisipaliteit val onder die provinsie Utrecht.
  4. Die gebied noordwes vanaf die dorp Meerkerk (ook die dorpies Ameide en Tienhoven plus omgewing).

Eksterne skakels wysig