Antonio Pappano (gebore 30 Desember 1959) is 'n Engels-Italiaanse dirigent en pianis. Hy is sedert 2002 musiekdirekteur van die Royal Opera House.[2] In 2015 ontvang hy 'n goue medalje van die Koninklike Filharmoniese Genootskap.[3]

Antonio Pappano
Antonio Pappano.JPG
Pappano (regs) ontvang die Vittorio de Sica-prys van President Napolitano (2010)[1]
Gebore30 Desember 1959 (1959-12-30) (61 jaar oud)
Epping, Essex, Enegland
Alma materRoyal Academy of Music, Londen
BeroepDirigent
Bekend virDirigent van die Royal Opera House en Orchestra dell'Accademia Nazionale di Santa Cecilia
EggenootPamela Bullock

Vroeë leweWysig

Pappano is gebore in Epping, Essex. Pappano se familie het in 1958 vanaf Castelfranco in Miscano naby Benevento, Italië, na Engeland verhuis. Ten tyde van sy geboorte was sy ouers werksaam in die restourantbedryf. Sy vader Pasquale Pappano was van beroep 'n sangonderwyser.[4]

Toe Pappano dertien jaar oud was het hy en sy familie na Connecticut verhuis. Na musikale opleiding in klavier en komposisie word hy op 21-jarige leeftyd 'n répétiteur (repetisie-begeleier) by die New York Stad Opera.[5]

LoopbaanWysig

Pappano het onder die aandag gekom van sy mede pianis en - dirigent Daniel Barenboim en is aangestel as Barenboim se assistent by die Bayreuth-fees.[6] Hy het in Barcelona en Frankfurt gewerk en gedien as assistent tot Michael Gielen.[7] Sy eerste optrede as dirigent by die Den Norske Opera was in 1987. In 1990 het hy musiekdirekteur van dié operageselskap geword.[4]

In 1992 is Pappano aangestel as musiekdirekteur van La Monnaie, die Belgiese Koninklike Operahuis, welke pos hy tot 2002 behou het. In die dié jaar is hy aangestel as musiekdirekteur van die Royal Opera House (ROH), Covent Garden.[4] Hy en Kasper Holten, die ROH se direkteur van opera, was mede verantwoordelik vir opvoerings.[8] Sy huidige kontrak strek tot 2017, en is verleng tot 2023.[9] Pappano was die jongste dirigent van die ROH, en het vir beide die Royal Opera en Royal Ballet gedirigeer.

Pappano was ook 'n hoof gasdirigent van die Israelse Filharmoniese Orkes. In 2005 is hy aangestel as musiekdirekteur van die Orchestra dell'Accademia Nazionale di Santa Cecilia.

Pappano is in 2012 tot ridder geslaan vir sy dienste aan musiek;[10] hy is ook 'n ridder (Groot Kruis) van Italië se orde van verdienstelikheid gemaak.[4] Op 17 Januarie 2013 ontvang hy die "Incorporated Society of Musicians' Distinguished Musician Award".[11] In 2015 ontvang hy die goue medalje van die Koninklike Filharmoniese Genootskap.

Persoonlike leweWysig

Pappano is getroud met Pamela Bullock, 'n Amerikaanse stemafrigter.[8]

OpnamesWysig

Pappano maak gereeld opnames vir Warner Classics. Sy opname sluit in:

VerwysingsWysig

  1. "Palazzo del Quirinale 23/11/2010". Fotografia – Primo Mandato. Presidenza della Repubblica. Besoek op 24 November 2016.
  2. Duchen, Jessica (Februarie 2012). "Balancing Act". Opera News: 18–22.
  3. "Antonio Pappano, Andris Nelsons and Mary Bevan among RPS Awards winners". Besoek op 18 September 2015.
  4. 4,0 4,1 4,2 4,3 Tonkin, Boyd (6 Julie 2013). "Sir Antonio Pappano: 'I had no ambition to conduct'". The Independent. Independent News and Media. Besoek op 8 November 2014.
  5. Anna Picard (3 Desember 2006). "Antonio Pappano: Local hero". The Independent. Besoek op 7 September 2007.
  6. Rupert Christiansen (2 September 2002). "High octane, high hopes". The Telegraph. Besoek op 7 September 2007.
  7. Peter Conrad (23 Februarie 2003). "Lightning conductor". The Observer. Besoek op 7 September 2007.
  8. 8,0 8,1 Rupert Christiansen (8 September 2008). "Antonio Pappano: the unstoppable maestro". The Observer. Besoek op 8 September 2008.
  9. "Appointments". Opera. Mei 2014. Besoek op 1 Oktober 2014.
  10. "No. 60009". The London Gazette (Supplement). 31 Desember 2011. p. 1.
  11. "Sir Antonio Pappano receives prestigious ISM Distinguished Musician Award". Incorporated Society of Musicians. Geargiveer vanaf die oorspronklike op 8 November 2014. Besoek op 18 Januarie 2013.

BronneWysig

Maeckelbergh, Lucrèce, Antonio Pappano: Con Passione. Snoeck, 2006. ISBN 9053495274.

Eksterne skakelsWysig

Kulturele poste
Voorafgegaan deur
Sylvain Cambreling
Musiekdirekteur, Théâtre de la Monnaie, Brussel
1992–2002
Opgevolg deur
Kazushi Ono
Voorafgegaan deur
Bernard Haitink
Musiekdirekteur, Royal Opera House, Covent Garden
2002–tans
Opgevolg deur
ingesetene