Aspalathus psoraleoides
Aspalathus psoraleoides is 'n plant wat tot die Aspalathus-genus in die peuldraende familie behoort. Die spesie is endemies aan die Wes-Kaap en vorm deel van die fynbos. Dit kom op die Kaapse Skiereiland, Babilonstoringberge en die Kleinrivierberge bo Hermanus voor. Dit het 'n voorkomsgebied van 959 km² en daar is vyf subpopulasies waarvan drie deur indringerplante bedreig word. Twee subpopulasies op die suidpunt van die Kaapse Skiereiland val onder die beskerming van Tafelberg Nasionale Park. By die gedeeltes bokant Muizenberg en Simonstad moet die indringerplante gereeld verwyder word, terwyl die subpopulasie by Babilonstoringberge se indringerplante nie verwyder word nie. Dit word verder deur gewasverbouing bedreig. Die subpopulasie by die Kleinrivierberge groei in 'n beskermde gebied en ervaar tans geen bedreigings nie.
| Aspalathus psoraleoides | |
|---|---|
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Tribus: | |
| Genus: | |
| Spesie: | A. psoraleoides
|
| Binomiale naam | |
| Aspalathus psoraleoides (C.Presl) Benth., (1848)
| |
| Sinonieme | |
| |
