Auray
Auray (Bretons: An Alre) is 'n dorp in die département Morbihan van die Franse région (streek) Bretagne met 'n oppervlak van 6,91 vierkante kilometer en 12 536 inwoners (2007). Die dorp, wat lê aan die oewers van die Loc'h, Auray se rivier, besit 'n ou seehawe, Saint Goustan, aan die regteroewer en 'n steenbrug, wat die Aurayrivier (Frans: Rivière d'Auray) oorspan en die bodorp aan die linkeroewer met die hawe verbind.
Auray An Alre | |
|---|---|
 Saint Goustan, die seehawe van Auray | |
 Seël .svg) Wapen | |
  Auray | |
| Koördinate: 47°40′07″N 2°58′53″W / 47.66861°N 2.98139°W | |
| Land |  Frankryk |
| Gewes | .svg){kind=small} Bretagne |
| Département |  Morbihan |
| Arrondissement | Lorient |
| Kanton | Auray |
| Regering | |
| • Burgemeester | Jean-Claude Dumoulin (UDI) |
| Oppervlak | |
| • Stad | 6,91 km2 (2,67 vk. myl) |
| Hoogte | 0–43 m (0–141 ft) |
| Bevolking | |
| • Stad | 12 536 |
| • Digtheid | 1 814/km2 (4 700/vk. myl) |
| • Metro | 43 981 |
| Poskode | 56007 |
| Skakelkodes | 56400 |
| Webwerf | auray.fr |
Geskiedenis en besienswaardighede
wysig
Die dorp staan onder meer bekend om die Slag van Auray, wat hier op 29 September 1364 plaasgevind het. Benjamin Franklin het hier aan die begin van die Amerikaanse Rewolusionêre Oorlog voet aan wal gesit. Hy het destyds na Parys gereis om die Franse koning Lodewyk XVI te ontmoet en die monarg om militêre bystand teen die Britte te versoek.
Auray en die nabygeleë Golf van Morbihan (Frans: Golfe du Morbihan) is gewilde toeristebestemmings. Auray se belangrikste besienswaardighede naas die hawe en die steenbrug is die driehoekige Republiekplein (Frans: Place de la République) in die bodorp met sy kenmerkende vakwerkhuise en die raadsaal, wat in 1882 opgerig is, en die kerk St-Gildas, wat uit die jaar 1641 dateer.