Ben Schoeman-hoofweg

Die Ben Schoeman-hoofweg is die hooftoevoer tussen Johannesburg en Pretoria. Dit bestaan uit gedeeltes van die N1- en N14-hoofweë.[1] Die pad is in 1968 geopen en is na die voormalige Minister van Vervoer, Ben Schoeman genoem.[2] Dit is die besigste pad in Suid-Afrika.[3]

Die Ben Schoeman oppad na Pretoria.

RoeteWysig

Die Ben Schoeman-snelweg begin aangedui as die M1, net noord van die Corlettrylaan-afrit, waar die M1 nie meer onder die onderhoud van die Johannesburgse Padagentskap is nie. Suid van Corlettrylaan staan die M1 bekend as die De Villiers Graaff-snelweg.

Die M1 eindig by die Buccleuch-wisselaar met die N3- en N1-snelweg (Johannesburg sirkelroete). Die Ben Schoeman-snelweg word dan die N1 en loop deur Midrand en Centurion.

In Centurion, by die Brakfontein-wisselaar, ontmoet die N1 die N14 en ruil name om, met die N1 wat die oostelike snelweg na Pretoria se oostelike voorstede en Polokwane word. Die N14 verlaat die rigting-oos snelweg en word die Ben Schoeman-snelweg noordwaarts uit Centurion.

Die hele N1-gedeelte, vanaf die Buccleuch-wisselaar tot by die Brakfontein-wisselaar, is 'n tolpad wat deel uitmaak van die Gautengse e-tolstelsel.

Vanaf die Brakfontein-wisselaar gaan die Ben Schoeman-snelweg noordwaarts voort met die N14 direk tot in Pretoria en eindig waar dit die R101 in Potgieterstraat (nou Kgosi Mampuru-straat) suid van Pretoria-Sentraal ontmoet.

Onderhoud en opgraderingsWysig

Die Ben Schoeman-snelweg word seur SANRAL onderhou noord van die afrit by Corlettrylaan (M30) tot by die N14/N1-wisselaar in Centurion. Slegs die gedeelte tussen die Buccleuch- en Brakfontein-wisselaars is egter tolpad. Van die Brakfontein-wisselaar tot by Potgieterstraat in Pretoria word die snelweg deur die Gautengse provinsiale regering onderhou.

Die snelweg is ook opgegradeer tussen Corlett Drive en die Buccleuch-wisselaar, hoewel hierdie gedeelte nie getol word nie, en bestaan uit 3 of 4 bane in elke rigting. Oorhoofse beligting is vir die snelweg vanaf die Brakfontein-wisselaar tot Corlettrylaan aangebring. Die snelweg bevat nou opgegradeerde oorhoofse naamborde sowel as elektroniese aanwysings.

Die noordelike gedeelte van die snelweg tussen die Brakfontein-wisselaar en Potgieterstraat is nie opgegradeer nie, hoewel die pad soms oorgeteer word. Dit bly twee bane in beide rigtings, het geen sentrale beligting nie en het geen oorhoofse tekens nie. As gevolg van die oprigting van die Gautrein-roete is die diamantwisselaar in Trichardtstraat verander, en die noordelike verkeer verlaat nou die snelweg by Sunderlandweg en nie meer Trichardtstraat nie.

VerwysingsWysig