Bergrivier-rooivlerkie

Die Bergrivier-rooivlerkie (Pseudobarbus burgi) is 'n varswater vis wat voorkom in die Bergrivier en sy sytakke in die Wes-Kaap. Dit het ook voorgekom in die Eersterivier. In Engels staan die vis bekend as die Berg river redfin.

Bergrivier-rooivlerkie
Bewaringstatus
Bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Pseudobarbus
Spesie:	P. burgi
Binomiale naam
Pseudobarbus burgi (Boulenger, 1911)

Voorkoms

Daar is twee pare baarde om die mond. Die volwasse mannetjies het prominente tuberkels op die kop. Die vis is bruin aan die bokant en silwerig aan die onderkant. Daar is 'n onreëlmatige donker band oor die lyf; dit is meer prominent in die onvolwasse visse as die volwasse visse.

Habitat

Die vis leef in 'n verskeidenheid habitatte; van helder bergstrome tot diep, stil poele vol plantegroei van die laer riviere. Hulle vreet hoofsaaklik ongewerweldes, alge en detritus van die bodem af en broei in die somer.

Bewaringstatus

Die vis is kritiek bedriegd en is reeds uitgewis in die Eersterivier. Van die redes hiervoor is die habitat wat vernietig word en uitheemse roofvis spesies wat vrygelaat is.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Pseudobarbus-burgi.html