Bering Time
Bering Time is 'n Deense handelsmerk wat in horlosies en juweliersware spesialiseer. Die onderneming is in September 2010 gestig en het sy hoofkwartier in Åbenrå.[2] Sy produkte word in alle wêrelddele bemark, terwyl Kenia en Suid-Afrika die fokusmarkte op die vasteland van Afrika is.
| Bering Time ApS | |
| Tipe | Anpartsselskab (ApS) - Privaat maatskappy met beperkte aanspreeklikheid volgens Deense reg |
|---|---|
| Gestig | September 2010 |
| Hoofkantoor | Åbenrå, Denemarke |
| Sleutelpersone | René Kærskov, Michael Witt Johansen en Lars Gram-Skjønnemann |
| Gebied bedien | Wêreldwyd |
| Produkte | Horlosies en sierade |
| Inkomste |  DKR 252 miljoen (2014)[1] |
| Netto inkomste | DKR 9 miljoen (2014, voor belasting) |
| Slagspreuk | Inspired by Arctic beauty |
| Webwerf | Bering Time |
Geskiedenis wysig
'n Valskermsprong oor die Arktiese yslandskap van die Noordpool was vir die Deense sakeman en avonturier René Kærskov die inspirasie vir 'n reeks horlosies met puristiese ontwerp wat die oneindige yswêreld van die noorde en sy koel skoonheid sou weerspieël. Saam met sy sakevennote Michael Witt Johansen en Lars Gram-Skjønnemann het hy in 2009 'n handelsmerk en onderneming gestig wat hy Bering Time genoem het, ter ere van die Deense seevaarder Vitus Bering wat in 1728 'n verkenningsvaart deur die Arktiese Oseaan onderneem en deur die seestraat gevaar het wat later sy naam sou dra (Beringstraat) - net soos een van oorspronklik vier tydsones in Alaska, Bering Time.[3]
In sy eerste vyf bestaansjare het die onderneming 1,5 miljoen horlosies en 'n halfmiljoen sierade verkoop.[4] Duitsland is die belangrikste buitelandse mark. Hier is in 2014 'n Bering-vlagskipwinkel in Hamburg geopen. 'n Amerikaanse konsepwinkel het sy deure in 2015 in die Deense nedersetting Solvang in Kalifornië geopen.
Produklyne wysig
Vir sy horlosies maak Bering Time gebruik van materiale van hoë gehalte soos keramiek, safierglas en titanium en moderne tegnologieë soos sonselle, radiosein- en outomatiese horlosies. Bering Time se juweliersware word onder meer van diamante en ander edelstene vervaardig.
Internasionale toekennings wysig
- Best New Brand 2012 (Kanada)
- Watch Brand of the Year 2013 (Verenigde Koninkryk)
Verwysings wysig
- ↑ www.nordschleswiger.dk, 15 Junie 2015: Apenrader „Bering Time“ tickt ganz richtig. Besoek op 24 Mei 2016[dooie skakel]
- ↑ "beringtime.com: Facts and Figures. Besoek op 24 Mei 2016". Geargiveer vanaf die oorspronklike op 27 Mei 2016. Besoek op 24 Mei 2016.
- ↑ "Bering Time ApS: Bering Story. Besoek op 19 Mei 2016". Geargiveer vanaf die oorspronklike op 9 Mei 2016. Besoek op 19 Mei 2016.
- ↑ "beringtime.com: Bering Celebrates 5th Birthday. Besoek op 24 Mei 2016". Geargiveer vanaf die oorspronklike op 1 November 2015. Besoek op 24 Mei 2016.