Bespreking:Cypriniformes

Jongste opmerking: 5 jaar gelede deur Oesjaar in onderwerp Wêreldspektrum as bron deur Maroela Media

Wêreldspektrum as bron deur Maroela Media wysig

Gemeenskap: hierdie artikel se bron is Wêreldspektrum wat in 1982 gepubliseer is, dus dit 36 jaar oud. Sedertdien was daar 'n klomp navorsing gedoen oor visse en hulle taksonomie. Dit is veral DNA toetsing wat hier 'n groot invloed het. Maroela se personeel kopieer net die artikels met 'n OCR (Optiese Karakter-herkennings), as ek dit direk mag vertaal, en dra dan die artikel uit Wêreldspektrum net so oor na ons Wikipedia.

Ek haal die volgende teks aan uit die artikel: Die tiervis (Hydrocynus vittatus), die imberi (Afestes imberi,) die streep-rower (Alestes lateralis) en die Okavango-rower (Rhabdaletes maunnensis) word onder meer by die familie ingesluit. Die Hepsetidae of Afrikaanse greepvisse word deur net een spesie verteenwoordig, die Hepsetus ordoe, terwyl die Distichodontidae familie deur twee spesies, die bekende nkupe (Distichodus mossambicus) en die chessa (Distichodus schenga) verteenwoordig word.

Die familie Citharinidae is nou verwant aan die vorige familie, en die dwergsitarien (Hemigrammocharax machadoi) en die breëbalk-sitarien (Nannocharax macropterus) word hierby ingesluit.

Ek het elke feit in die twee paragrawe met ons eie artikels wat hoofsaaklik A Complete Guide to the FRESHWATER FISHES of Southern Africa. Paul Skelton, 2001 gebruik en ook met FishBase, sien https://www.fishbase.de/search.php vergelyk. Elke feit in die twee paragrawe is verkeerd want die taksonomie het verander! Tragies!

Dit laat 'n mens nou wonder oor die res van die artikel, hoe akkuraat is dit? Ek het 'n paar skakels in gesit sodat julle dit kan nagaan. Hoe waar kan die volgende stelling nou wees: Die grootste familie onder die karperagtiges, plaaslik asook wêreldwyd, is die Cyprinidae,...?

Hoe gaan ons die saak hanteer? Ek het in vorige artikels ook 'n paar foute van die aard raakgeloop. Enige fauna/flora artikel uit Wêreldspektrum moet eers nagegaan word alvorens dit geplaas kan word. Ek glo nie daar sal fout wees met artikels oor persone nie.

Ons kan tog nie halwe waarhede aan die gemeenskap verkwansel as ware feite nie. Praat in integriteit!

Groete! Oesjaar (kontak) 08:25, 5 Desember 2018 (UTC)Beantwoord

Terug na "Cypriniformes"-bladsy.