Bespreking:Joachim Nikolaus von Dessin

Jongste opmerking: 2 jaar gelede deur Suidpunt in onderwerp Vrae
Hierdie artikel is deur die gemeenskap geïdentifiseer as een van Wikipedia se spogartikels en het vir die eerste keer tydens week 41 van 2021 op ons voorblad gepryk. Dit beteken egter nie dat die artikel nie verder gewysig kan word nie: voel vry om dit te verbeter of by te werk.

Vrae wysig

@Suidpunt:, ek het jou vrae na LIASA (Library and Information Association of South Africa) gestuur, een van die WikimediaZA direksie lede werk by Rhodes University Library. Kom ons kyk... Groete! Oesjaar (kontak) 07:13, 24 Augustus 2021 (UTC)Beantwoord

Dankie @Oesjaar:!
As die onderneming nie geluk nie, dan kan ons altyd twee ander persone probeer. Ek dink die versameling is in die Kaap, maar ek glo iemand wat 'n pos in die biblioteekwese het, soos hierbo, het groter seggenskrag as 'n gewone outjie wat Wikipedia-artikels skryf (dis nou ekke daai). Dus, dankie daarvoor!
Ek het tot vanoggend nog gewik en geweeg of ek die redakteur van die Kaapse bibliotekaris of dr. François Verster, staatsargivaris, wat gereeld artikels skryf vir KB, moet kontak (ek sien hy het 'n e-posadres op sy skoon, rooi-skakel gebruikersblad op Wikipedia: Gebruiker:Francois Verster). Ek is egter bereid om te wag. Suidpunt (kontak) 12:51, 24 Augustus 2021 (UTC)Beantwoord
Die persoon wat by Rhodes werk en op die Direksie is, is Gebruiker:Wynlib40. Groete! Oesjaar (kontak) 12:55, 24 Augustus 2021 (UTC)Beantwoord
Dankie!Suidpunt (kontak) 12:57, 24 Augustus 2021 (UTC)Beantwoord

Joachim Nikolaus von Dessin wysig

(oorgedra vanaf Suidpunt se besprekingsblad)

@Suidpunt:, gaan jy nomineer vir voorblad? Goeie stukkie werk! Oesjaar (kontak) 10:56, 23 Augustus 2021 (UTC)Beantwoord

Hallo @Oesjaar:!

Ek wil juis die artikel bietjie laat skuinslê vir ander om na te kyk en kommentaar te lewer, as die gemeenskap voel die tyd is ryp, dan maak ons so.

  Uitgevoer Een onderwerp wat die Suid-Afrikaanse bronne nooit bespreek nie, is sy erfporsie oorsee. Daaraan sal ek later wil werk. Dit gaan net oor die een familie wat alleenreg wou hê, en op die ou einde wen die Von Dessins en hy word so 1 000 ryksdaalders uitbetaal. Of hy dit hierheen kon verskeep het, of slegs in Duitsland mag gebruik het, weet ek nie.

  Uitgevoer Die tweede onderwerp waarin die huidige era beslis sal belangstel is sy slawebenning (slawe-orkes), en hoe hy hulle na sy dood van hul knegskap bevry het.

  Uitgevoer Mense soek ook seker sy Ex Libris-handtekening met die Latynse motto.


  • Die grootste kritiek op die artikel sal waarskynlik wees dat ek nie veel oor sy huishouding en swier en joviale leefwyse uitgebrei het nie. Hiervoor sal ek eers iemand moet vermoor om 'n kopie van die Argief-Jaarboek, 1940, Deel 1 te bekom. Of, ek sal seker so 'n jaar of vyf moet wag dat iemand dit op bidorbuy moet laai. Glo my, daar is 'n hele gebedelysie wat ek saans deursoek, en die lysie raak al hoe langer...
  • Nog kritiek sal moontlik oor die biblioteek en die rits inhoud self wees wat skitter in hul afwesigheid. Ek voel dit is meer gepas vir die Von Dessin-versameling.
  • Von Dessin het 74 skilderye besit, maar nie 'n enkele portret van homself nie. Moenie my vra hoekom nie!
  • Natuurlik moet mens die Brieweboek voor jou fisies hê om meer oor sy verhouding met ander te bespreek. Ek voel die Van Riebeeck Vereniging (of dan HiPSA) is dit aan Von Dessin verskuldig.

En dan is daar ook die onopgeklaarde paar vrae wat ek eendag aan die Kaapse Bibliotekaris stuur. Ek voel die vrae is bitter relevant vir die jaar 2021.

Vraag 1. Wat het van die 1000 riksdaalders geword?

Kyk, hy het geld bemaak aan die Kerk, sodat hulle, benewens sy 3 856 boekdele, nog boeke kon aankoop. Ongelukkig het die mense in die Kaap nie veel van die biblioteek gebruik gemaak nie. Selfs sy vriend, die vermaarde Goewerneur Ryk Tulbagh, het by sy afsterwe in die tuig, 'n dekade later, sy boeke liewer aan vriende en die regsbiblioteek bemaak. Dit sê nogal baie.

Of eerder, hulle kan uitvind wanneer die bankrekening moes gesluit het. In 1961 was die bedraggie nog £208 werd (of dan, R416, want met die oorskakeling was die wisselkoers R2 teen die Britste Pond Sterling). In 1965 is die jaarlikse renteopbrengs 50 Deutsche Mark (hoogstens R9) volgens 'n Duitse artikel (Wendland), teen 1976 is die bedrag wat oorbly R360! Volgens die Suid-Afrikaanse Biografiese Woordeboek, Deel 1, van 1968 (p. 890) staan daar:

 

Hierdie geld is vandag nog in die besit van die Groote Kerk, Kaapstad, en die rente word jaarliks aan die S.A.O.B. betaal.

 

Nou kyk, ek is by Capitec. Die bank met die laagste administrasiegeld: R5 per maand. En ek weet: as jy nie R1 500 nou, in jou bankrekening het nie, is jy besig om jou kapitaal te verteer. Dus: wanneer het die (onbekende) bank besluit om die rekening te sluit? In die 1980's, 1990's, 2000's? Ek voel dit is in die openbare belang. Dit dien ook as duidelike waarskuwing aan diegene wat geld aan 'n instansie bemaak, op voorwaarde dat die rente ietsie sal oplewer, waaruit nog boeke ens. aangekoop kan word. Von Dessin het in sy leeftyd nie inflasie geken soos ons dit ken nie.

Vraag 2. As Von Dessin die geld net so laat lê het, en rente op rente sou verdien het... ek twyfel of jy vandag 'n huis daarmee sou koop. Jy sou daardie tyd nie kon nie. 'n Huis was 40 000 riksdaalders.

Vraag 3. Mag 'n mens 'n foto van Graf 27 in die Groote Kerk neem? Sover ek weet is die neem van foto's in die Kerk streng verbode. Maar dalk word 'n uitsondering vir 'n staatsamptenaar gemaak?

Vraag 4. Mag hierdie boeke van Von Dessin gelees word in 'n leessaal? Ek sien dit is nie op die Brocade-stelsel genommer nie, met ander woorde, dit mag nie die biblioteek verlaat nie. Ek neem aan dit word seker iewers in 'n kamertjie of 'n museum aangehou.

Vraag 5. Vroeër was die versameling die eiendom van die NG-kerk, maar die staat het slegs "huisvesting" daarvoor gebied. Is dit vandag nog so?

Vraag 6. Die vraag is ook, wil jy hê mense moet aan tot 300-jaar-oue boeke vat? Argivarisse is opgelei hoe om met rubberhandskoene sulke fyn brose werkies te hanteer. 'n Slordige akademikus nie. Maar dan weer - die boeke is niks uniek nie (die manuskripte is wel!) - die meeste werke kan jy vandag almal op Google Play of Archive.org aflaai. Dis vandag amper so min werd soos ons eie Romanza-, Donker Sjokolade- en Satyn-reekse op die maan.

Vraag 7. Hoekom het die Van Riebeeck Vereniging (HiPSA) nog nie sy briewe en Memoriaal gebundel nie? Hoeveel kos dit om so 'n boek uit te gee?

Vraag 8. Wanneer het die Stigting Simon van der Stel die plaatjies onthul?

Vraag 9. Hoeveel mense het hierdie Von Dessin-versameling besoek? Hoe lyk die profiel van die gemiddelde besoeker vandag (in die 1970's was dit hoofsaaklik akademici), wat sou sy/haar redes wees?

Vraag 10. Sê Von Dessin wragtig niks oor sy dogter in sy briewe nie? Ek bedoel, sy is eers dood toe sy 19 was. Wat sou haar toekoms gewees het? Sou sy haar vader se boeke, slawe ens. alles waarskynlik net so geërf het? Sou sy dit alles verkoop en dié grondbarones van die Kaap geword het? Sy was immers al kind. As daar 'n seun was sou hy die meeste geërf het. Maar dan was daar waarskynlik geen biblioteek nie.

Suidpunt (kontak) 12:49, 23 Augustus 2021 (UTC)Beantwoord

@Suidpunt:, hierdie is goeie stukkie werk, amper 'n stukkie Africana. Goed gedoen. Dan wag ons... Groete! Oesjaar (kontak) 12:55, 23 Augustus 2021 (UTC)Beantwoord

Terug na "Joachim Nikolaus von Dessin"-bladsy.