Blou-Nyl
Die Blou-Nyl (Amharies: ዓባይ, ʿAbbay, Arabies: النيل الأزرق, an-Nīl al-Azraq) is die tweede grootste sytak van die Nylrivier in Afrika. Dit is saam met die Wit-Nyl een van twee bronriviere van die Nyl.[1] Ofskoon sy gemiddelde afloop groter as dié van die Wit-Nyl is, word die Blou-Nyl as grootste sytak beskou en nie as gelykwaardige bronrivier nie, terwyl die Wit-Nyl as die Nylrivier se hoofloop beskou word.
| Blou-Nyl | |
|---|---|
 | |
 Die stroomgebied van die Wit- en Blou-Nyl. | |
| Oorsprong | Klein-Abayrivier/Tanameer, Ethiopië Ethiopiese Hoogland |
| Monding | Saamvloei met die Wit-Nyl naby Khartoem, Soedan |
| Stroomgebied | Ethiopië en Soedan |
| Lengte | 1 450 km |
| Oorspronghoogte | 2 744 m |
| Mondinghoogte | 380 m |
| Gemiddelde afloop | 2 349 m³/s |
| Stroomgebiedopp. | 325 000 km² |
 Kaart van die Blou-Nylbekken in Afrika.
| |
Die naam van die rivier is 'n onakkurate vertaling van die Arabiese woord Azraq, wat sowel "blou" as "donker" beteken.[2] Die donker kleur van die Blou-Nyl word deur die groot hoeveelheid fyn, korrelrige grondmateriaal veroorsaak wat uit die Ethiopiese Hoogland meegevoer word.
Die Blou-Nyl ontspring in Noord-Ethiopië suidoos van die Tanameer, vloei 800 km deur Ethiopië[3] en 650 km deur Soedan, waar die Blou-Nyl net suid van Khartoem met die Wit-Nyl saamvloei. Belangrike stede aan die rivier is Bahri, Khartoem en Omdoerman.
Sien ook
wysigVerwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ (en) Henri J. Dumont: The Nile: Origin, Environments, Limnology and Human Use. Monographiae Biologicae, Uitgawe 89, Dordrecht 2009 ISBN 1-4020-9726-3
- ↑ (en) "Climate, 2008 National Statistics (Abstract)" Geargiveer 13 November 2010 op Wayback Machine, Table A.1. Central Statistical Agency webwerf. Besoek op 23 Februarie 2015.
Eksterne skakels
wysig
Wikimedia Commons het meer media in die kategorie Blou-Nyl.- (en) "Blue Nile River". Encyclopædia Britannica. Besoek op 26 April 2019.
